Давлат хавфсизлик хизмати ва прокуратура ходимлари томонидан бир қатор коррупцион ҳолатларга чек қўйилди. Бу ҳақида ДХХ матбуот хизмати хабар берди.
“Чарм-пойабзал, ипакчилик ва гиламчилик тармоқларини ривожлантиришни янги босқичга олиб чиқиш чора-тадбирлари тўғрисида”ги Президент Қарори (ПҚ-181-сон, 20.05.2024 й.) қабул қилинди. Бу ҳақда Адлия вазирлиги хабар қилди.
Таъмирлаш ишлари олиб борилаётгани муносабати билан Абдулла Қодирий кўчасидаги, “Анҳор Локомотив” боғи, “Рамада Ташкент” меҳмонхонаси ва бошқалар бўйлаб ўтувчи кўприк жорий йилнинг 24 майигача, шу куни ҳам, транспорт воситалари ҳаракати учун ёпилди. Бу ҳақда Тошкент шаҳар ҳокимлиги хабар қилди.
Ўзгидрометнинг хабар беришича, жорий йилнинг 23-26 май кунлари Ўзбекистоннинг тоғолди ва тоғли ҳудудларида сел-сув тошқини ҳодисалари юзага келиши мумкин. Унга кўра, эртага, 23 май куни чўл ҳудудларда, 24-26 май кунлари эса республика бўйича баъзи жойларда шамол тезлиги 15-20 м/с гача кучайиши, айрим жойларда чанг-тўзонлар билан кузатилиши кутилмоқда. Кучли ёмғирлар ёғиши сабабли, жорий йилнинг 23-26 май кунлари республиканинг тоғ олди ва тоғли ҳудудларида сел-сув тошқин ҳодисалари юзага келиши хавфи бор.
Бугун, 23 май куни маҳаллий вақт билан соат 07:38да Испаниянинг «World2Fly» авиакомпаниясининг бортида 285 нафар йўловчиси бўлган самолёти Мадрид-Тошкент йўналиши бўйича илк чартер рейсини амалга оширди. Анъанага кўра, самолёт сув аркаси билан кутиб олинди, экипаж аъзолари ва биринчи йўловчилар, жумладан, Тошкентга етиб келган Испаниянинг йирик сайёҳлик агентликлари, журналист ва блогерлар пойтахт аеропортининг келиш залида карнай-сурнай садолари остида кутиб олинди.
Саида Мирзиёева АҚШ Давлат котиби ўринбосари Узра Зея бошчилигидаги АҚШ делегацияси билан учрашди. Америка томони хотин-қизлар ҳуқуқларини ҳимоя қилиш, ОАВ ва сўз эркинлигини таъминлаш, шунингдек, фуқаролик жамияти ҳамда ННТ фаолияти самарадорлигини ошириш борасида мамлакатимизда олиб борилаётган саъй-ҳаракатларни тўлиқ қўллаб-қувватлашга тайёрлигини билдирган.
Шавкат Мирзиёев мамлакатимизга расмий ташриф билан келган Туркия Республикаси Буюк миллат мажлиси раиси Нуман Куртулмуш бошчилигидаги делегацияни қабул қилди. Учрашув аввалида Туркия парламенти раиси давлатимиз раҳбарига Президент Режеп Таййип Эрдоғаннинг самимий саломи ва энг эзгу тилакларини етказди.
Статистика агентлиги маълумотларига кўра, 2024 йилнинг 1 январь ҳолатига Ўзбекистондаги музейлар сони 140 тани ташкил этган. Бу ҳақда Статистика агентлиги хабар берди.
Ўзбекистон ташқи савдо айланмасидаги топ-10 давлат маълум қилинди. Ушбу рўйхатда биринчи ўринни Хитой эгаллаган.
ИИВ ходимлари томонидан Тошкент шаҳар Яшнобод туманида ўтказилган тезкор тадбирда жазо муддатини ўташ жойини пул эвазига ўзгартириб беришни ваъда қилган шахслар қўлга олинди. Бу ҳақда ИИВ Матбуот хизмати хабар берди.
Сурхондарё вилоятида фуқаролардан бирининг хонадонида гиёҳвандлик ўсимликлари парваришланаётгани аниқланди. Бу ҳақда Давлат Божхона қўмитаси ахборот хизмати хабар берди.
Халқаро чой куни муносабати билан Самарқанд туристик мажмуасидаги Боқий шаҳарда чой фестивали ўтказилди. Халқаро мақомга эга бўлган фестивал “Чой, маданият, тинчлик!” шиори остида иккинчи марта Самарқанд халқаро технология университети (SIUT) жамоаси томонидан ташкил этилди.
Президент Шавкат Мирзиёевнинг топшириғига асосан, Афғонистонда кузатилган кучли сел-сув тошқинларида зарар кўрган аҳолига кўмак кўрсатиш, уларни зарур воситалар ҳамда озиқ-овқат билан таъминлаш мақсадида Ўзбекистон номидан инсонпарварлик юклари карвони «Айритом» чегара ўтказиш пункти орқали қўшни мамлакатнинг Балх вилоятига етказилди. Бу ҳақда Сурхондарё вилояти ҳокимлиги матбуот хизмати хабар берди.
Россияда янги FLiRT коронавирус вариантининг 178 та ҳолати қайд этилди, деб хабар берди Роспотребнадзор матбуот хизмати РИА Новости агентлигига. “Умумий мониторинг даврида 178 та янги FLiRT вариантлари аниқланди, жумладан КП.2 (учта ҳолат), КП.1.1 (бешта ҳолат), КС.1 (170 та ҳолат) вариантлари”, — дейилади ҳисоботда.
Тошкентга етиб келган йўловчилар энди тўғридан-тўғри аэропортда автомашинани ижарага олиш имкониятига эга бўлди — «Europcar» бренди остидаги автомобилларни ижарага бериш компанияси 20 майдан иш бошлади. Майдони 8 кв.м бўлган жой E-auksion.uz электрон платформасида савдога қўйилган эди.
АОКАда бўлиб ўтган брифингда Дин ишлари бўйича қўмитаси ахборот хизмати раҳбари Илҳом Маърупов «Ҳаж-2024» мавсумига кўрилаётган тайёргарлик ҳақида маълумот берди. Маълум бўлишича, 2024 йилда 15 мингта юртдошимиз Ҳаж сафарига квотага эга бўлишди.
Испаниянинг «World2Fly» авиакомпанияси Мадридни Тошкент ва Урганч билан чартер рейслар орқали боғлайди. Мадрид-Тошкент йўналиши бўйича биринчи йўловчи рейси 2024-йил 23-майга белгиланган.
Давлатимиз раҳбарининг шу йил 22 январдаги қарорига мувофиқ тузилган Соғлиқни сақлаш лойиҳалари маркази томонидан бирламчи бўғин ва тез тиббий ёрдам тизимини такомиллаштириш, давлат тиббий суғуртасини жорий этиш, дори-дармонлар харидини тартибга солиш бўйича қатор таклифлар ишлаб чиқилган. Бугун Президентга қилинган тақдимотда ушбу йўналишлар атрофлича таҳлил қилинди.
Президент Шавкат Мирзиёев 21 май куни Соғлиқни сақлаш лойиҳалари маркази томонидан амалга оширилаётган ишлар ва янги таклифлар тақдимоти билан танишди. Таълим ва тиббиёт энг муҳим ва кенг қамровли ижтимоий соҳалардир.
Музлатгичли вагонларда маҳсулот ташиш учун янги тарифлар тасдиқланди. Бу ҳақда «Ўзбекистон темир йўллари» хабар берди.
Тошкент шаҳри ҳудудида магнитудаси М≤6,5 бўлган зилзилалар содир бўлиш хавфи бор. Бу ҳақда АОКАда ўтказилган брифингда Фанлар академияси ахборот хизмати раҳбари Гулноза Шарафова маълум қилди.
Тошкент шаҳар ҳокимлиги кўчалар ва чорраҳаларни реконструкция қилиш ва таъмирлаш ишлари олиб борилаётгани юзасидан қўшимча маълумот берди. 20 май куни Қорасарой кўчасининг Нурафшон кўчаси билан кесишмасидан Абдулла Қодирий кўчаси билан кесишмасигача ҳамда Кичик ҳалқа автомобиль йўли Нурафшон кўчаси билан кесишмасидан Қорасарой кўчаси билан кесишмасигача таъмирлаш ишлари бошлангани ҳақида хабар берилганди.
Ўзбекистон Республикаси Президенти Шавкат Мирзиёев 21 май куни Эрон Ислом Республикасининг элчихонасига ташриф буюриб, мамлакат шимолида вертолёт қулаши оқибатида Президент Иброҳим Раисий ва унга ҳамроҳлик қилган шахслар фожиали ҳалок бўлгани муносабати билан дўст Эрон халқига чуқур ҳамдардлик билдирди. Давлатимиз раҳбари дипломатик ваколатхонада очилган Ҳамдардлик китобига самимий таъзия ва таскин сўзларини ёзиб қолдирди.
21 май куни Ўзбекистон Республикаси Президенти Шавкат Мирзиёевнинг Россия Федерацияси Президенти Владимир Путин билан телефон орқали мулоқоти бўлиб ўтди. Бу ҳақда Президент матбуот хизмати хабар берди.
Тошкент шаҳри Юнусобод туманидаги мактаб ёнида 16 апрельга ўтар кечаси номаълум шахслар томонидан 1 туп сафора дарахти давлат рақами бўлмаган экскаватор ёрдамида илдизи билан қўпориб ташланган эди. Ҳолат юзасидан Пойтахт экология бошқармаси маълумот берди.
Тошкент вилояти Юқори Чирчиқ туманида «Яшил макон» умуммиллий лойиҳаси доирасида экилган 175 туп қимматбаҳо дарахтлар нобуд қилиб, табиатга 1 млрд 487 млн сўм зарар етказгани аниқланди. Бу ҳақда Бош прокуратура ахборот хизмати хабар берди.
Инсон ҳаёти меҳнат билан мазмунли. Айни шу омил боис одамзот тўкис ҳаётга, бахт-саодатга, комилликка интилади.
Маккада умра сафарига борган ўзбекистонлик эркакнинг буюмлари ва тегишли ҳужжатлари бўлган сумкалари ўғирлаб кетилди. Бу ҳақда “Дунё” АА хабар берди.
2024 йилнинг 2 июнь санасидан 22 июнь санасигача Тошкент-Марказий вокзали ва “Тўқимачи” бекатлари оралиғида модернизация ишлари олиб борилиши муносабати билан Фарғона водийси ва Волгоград йўналишидаги йўловчи поездлар ушбу вақт оралиғида Тошкент-Жанубий вокзалидан ҳаракатланади. Бу ҳақда “Ўзтемирйўлйўловчи” АЖ Матбуот хизмати хабар бермоқда.
Пойтахтнинг Олмазор туманида жойлашган “Ғалаба боғи” ёдгорлик мажмуаси ва унинг таркибидаги “Шон-шараф” давлат музейида шу йилнинг 20 май кунидан янги экспозицияларни жойлаштириш ҳамда мажмуа ҳудудида кичик таъмирлаш ва дезинфекция ишлари олиб борилиши режалаштирилган. Бу ҳақда Мудофаа вазирлиги ҳузуридаги “Ғалаба боғи” ёдгорлик мажмуаси маъмурияти хабар қилди.