Туркистон шаҳрига амалий ташриф доирасида Ўзбекистон Президенти Шавкат Мирзиёев Қозоғистон Президенти Қосим-Жомарт Тоқаев билан биргаликда ўзбек томонидан қурилган янги масжид фаолияти билан танишди. Кенг кўламли диний-маърифий мажмуа 7 гектардан ортиқ ҳудудда жойлашган бўлиб, бир вақтнинг ўзида 5 мингдан зиёд намозхонни қабул қилиш имкониятига эга.
Ўзбекистон Президенти Шавкат Мирзиёев Туркий давлатлар ташкилотининг норасмий саммитида иштирок этиш учун амалий ташриф билан Туркистон шаҳрига келди. “Ҳазрат Султон” халқаро аэропортида давлатимиз раҳбарини Қозоғистон Республикаси Давлат маслаҳатчиси Ерлан Карин, Туркистон вилояти ҳокими Нуралхон Кушеров ҳамда бошқа расмий шахслар кутиб олди.
Тошкент халқаро аэропортида ўтказилган тезкор тадбир давомида хориждан олиб кирилган йирик миқдордаги синтетик наркотик модда тўхтатиб қолинди. Маълум қилинишича, Давлат хавфсизлик хизмати ҳамда “Тошкент-Аэро” ихтисослаштирилган божхона комплекси ходимлари ҳамкорлигида ўтказилган тадбирда божхона назоратининг “яшил йўлак” йўналиши орқали ҳаракатланган икки нафар шахс текширувдан ўтказилган.
Боку шаҳрида 17–22 май кунлари ўтиши режалаштирилаётганБМТнинг 13-Бутунжаҳон шаҳарсозлик форуми (WUF13) “Бутундунёни уй-жой билан таъминлаш: хавфсиз ва бардошли шаҳарларҳамда жамоалар” мавзусига бағишланган. Форум глобал уй-жойинқирози, иқлим хавфлари, инклюзив режалаштириш ва барқарорурбан ривожланиш бўйича ечимларни муҳокама қилиш учунасосий майдонлардан бири ҳисобланади. Унда дунёнинг 178 тамамлакатидан 30 мингга яқин мутахассис иштирок этишикутилмоқда (trend.az). Форумда қабул қилинадиган “Боку ҳаракат чақириғи” (BakuCall to Action) БМТ Бош котибининг 2026-йилдаги ҳисоботигаасос бўлиб хизмат қилади (undp.org). Бу эса форумнинг нафақатмулоқот майдони, балки аниқ сиёсий мажбуриятларшакллантириладиган платформа эканини англатади.
Ўзбекистон Республикаси Президенти Шавкат Мирзиёев Ҳиндистон Республикаси Президенти Драупади Мурму ҳамда Бош вазир Нарендра Модига Уттар-Прадеш штатида кучли ёмғир ва бўрон оқибатида кўплаб инсонлар ҳалок бўлгани ва жабрлангани муносабати билан ҳамдардлик йўллади. Давлатимиз раҳбари ҳалок бўлганларнинг оила аъзолари ва яқинларига самимий таъзия изҳор этди, шунингдек, жабрланганларнинг тезроқ соғайиб кетишини тилади.
Жиззах вилоятида 23 ёшли аёлнинг туғруқхонадан чиқарилганидан бир неча кун ўтиб вафот этиши жамоатчиликда кенг муҳокамаларга сабаб бўлди. Ўзбекистон Соғлиқни сақлаш вазирлиги ҳолат юзасидан муносабат билдириб, фожианинг дастлабки сабаби шифокор тавсиясисиз қабул қилинган дори воситасига оғир аллергик реакция бўлиши мумкинлигини маълум қилди.
29–31 май кунлари Тошкент шаҳрида Eco Expo Central Asia 2026 дастури доирасида йирик халқаро Cat Expo кўргазмаси бўлиб ўтади. Тадбир High Town Mall мажмуасида ташкил этилади.
Ўзбекистон Республикаси Президенти Шавкат Мирзиёев Қозоғистон Республикаси Президенти Қасим-Жомарт Тоқаевнинг таклифига биноан Туркий давлатлар ташкилотининг норасмий саммитида иштирок этиш учун Қозоғистонга жўнаб кетди. “Сунъий интеллект ва рақамли ривожланиш” мавзусида ўтказиладиган саммитда туркий давлатлар ўртасидаги кўп қиррали ҳамкорликни янада кенгайтириш масалалари муҳокама қилинади.
Ўзгидромет маълумотларига кўра, жума — 15 май куни Ўзбекистон ҳудудининг катта қисмида ёғингарчиликсиз барқарор об-ҳаво сақланиб туради. Осмон ўзгарувчан булутли бўлади.
Ўзбекистон Президенти 4 май куни Маъмурий жавобгарлик тўғрисидаги кодекснинг 88-моддасига ўзгартишлар киритиш ҳақидаги қонунни имзолади. Янги тартиб иссиқхоналар ва ишлаб чиқариш биноларини иситишда зарарли материалларни ёқиш учун жарималар жорий этишни назарда тутади.
18–20 май кунлари Тошкент шаҳрида илк маротаба “Мусиқа таълими: жаҳон миқёсида ягона майдон сари” мавзусида йирик халқаро форум бўлиб ўтади. Тадбирда 200 нафарга яқин маҳаллий ва хорижий мутахассислар иштирок этиши кутилмоқда.
Жаҳон соғлиқни сақлаш ташкилоти (ЖССТ) бош директори Тедрос Адханом Гебрейесус айни пайтда “Андес” хантавирусининг кенг кўламли тарқалиши бошланганини кўрсатувчи белгилар йўқлигини маълум қилди. Шу билан бирга, у яқин ҳафталарда вазият ўзгариши мумкинлигидан огоҳлантирди.
Ўзбекистонда қишлоқ хўжалигини давлат томонидан қўллаб-қувватлашнинг янги механизми жорий этилди. Унга кўра, биржа орқали харид қилинган дизель ёқилғиси харажатларининг бир қисми компенсация қилинади.
Ўзбекистонда фуқароларни Жанубий Кореяга ишга жўнатишни ваъда қилган йирик коррупцион ва фирибгарлик схемаси фош этилди. Тергов маълумотларига кўра, уюшган гуруҳ хорижда расмий иш билан таъминлаш баҳонасида тахминан 90 миллион доллар маблағни ўзлаштирган.
Бухоро шаҳрида Осиё хотин-қизлари иккинчи форуми ўз ишини бошлади. Анжуманда Осиёнинг турли давлатларидан келган сиёсатчи, тадбиркор, олим ва эксперт аёллар иштирок этмоқда.
Ўзбекистон Республикаси Президенти Шавкат Мирзиёев 15 май куни амалий ташриф билан Қозоғистон Республикасига боради. Ташриф Қозоғистон Президенти Қасим-Жомарт Тоқаевнинг таклифига биноан амалга оширилади.
NASA’нинг тажрибали астронавтларидан бири, Халқаро космик станция собиқ командири Эндрю Фойстел Ўзбекистонга ташриф буюрди. Астронавт ўз фаолияти давомида 9 марта очиқ космосга чиққан ва орбитада жами 226 кун бўлган.
Тошкент шаҳрида Жаҳон иқтисодиёти ва дипломатия университети ҳузуридаги Дипломатик академия ҳамда ЕХҲТнинг Ўзбекистондаги лойиҳалар координатори ҳамкорлигида “Марказий Осиё: минтақавий ривожланишнинг янги парадигмаси” мавзусида халқаро конференция бўлиб ўтди. Конференцияда Марказий Осиё давлатлари ва Озарбайжон дипломатик академиялари вакиллари, дипломатик миссиялар, БМТнинг Марказий Осиё учун превентив дипломатия бўйича минтақавий маркази (Ашхобод), шунингдек, халқаро ва илмий ташкилотлар экспертлари, жумладан, Финляндия халқаро муносабатлар институти (FIIA) вакиллари иштирок этди.
Тошкент шаҳрида ўтказилаётган «Хитой — Марказий Осиё» инсон ҳуқуқларини ривожлантириш форуми доирасида Ўзбекистон Республикаси Инсон ҳуқуқлари бўйича миллий маркази ҳамда Хитой Инсон ҳуқуқларини ривожлантириш жамғармаси ўртасида ўзаро англашув меморандуми имзоланди. Ҳужжатга Ўзбекистон Республикаси Инсон ҳуқуқлари бўйича миллий маркази директори Акмал Саидов ва Хитой Инсон ҳуқуқларини ривожлантириш жамғармаси раҳбари Ли Хункуй имзо чекди.
Ўзбекистон Президенти Шавкат Мирзиёевга Тошкент метрополитенини модернизация қилиш, хавфсизликни ошириш ва инфратузилмани самарали ривожлантиришга қаратилган янги таклифлар тақдим этилди. Маълум қилинишича, пойтахт аҳолиси сонининг ўсиши, туризм оқимининг ортиши ҳамда шаҳар ҳудудининг кенгайиши муносабати билан 2030 йилга қадар метронинг кунлик йўловчи оқимини 1,8 миллион нафарга етказиш режалаштирилган.
Тошкент шаҳрида Ижтимоий ҳимоя миллий агентлиги томонидан учинчи марта кенг кўламли “Инсон учун” фестивали ташкил этилди. Бир неча йил давомида мазкур лойиҳа оддий савдо ярмаркасидан инклюзивлик, бандлик ва ижтимоий қўллаб-қувватлаш масалаларига бағишланган йирик ижтимоий платформага айланди.
Ўзбекистон Президенти Шавкат Мирзиёев “Нуроний” жамғармасининг Наманган вилояти бўлими раиси, сенатор Икромхон Нажмиддиновга фахрий унвон бериш тўғрисидаги фармонни имзолади. Кўп йиллик фидокорона меҳнати, давлат органларидаги самарали фаолияти ва ислоҳотларни амалга оширишдаги фаол иштироки учун унга “Ўзбекистон Республикасида хизмат кўрсатган ёшлар мураббийси” фахрий унвони берилди.
Тошкент вилоятида рашк сабаб содир этилган шафқатсиз қотиллик бўйича суд ҳукми эълон қилинди. Фожиа Зангиота туманида юз берган бўлиб, дўконда ишловчи 42 ёшли аёл билан муносабатлар туфайли икки эркак ўртасидаги можаро қонли якун топган.
Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ) мутахассислари томонидан 2026-йил апрель ойида Ўзбекистондаги иккиламчи автомобиль бозори 1,4 миллиондан ортиқ очиқ эълонлар асосида таҳлил қилинди. Жорий йилнинг апрель ойида таклифлар сони март ойидагига нисбатан камайди.
Қозоғистон ва Ўзбекистон чегарасидаги “Капланбек” назорат-ўтказиш пунктида фуқаролардан пул талаб қилганликда гумонланаётган эркак қўлга олинди. Текширувларга ижтимоий тармоқларда тарқалган видео сабаб бўлган.
Сурхондарё вилояти суди судьясининг катта ёрдамчисига нисбатан жиноят иши қўзғатилди. У хизмат мавқеидан фойдаланиб, жиноят ишида қатнашувчи шахсларга енгиллик яратиб бериш эвазига катта миқдорда пул олганликда гумон қилинмоқда.
Ўзбекистон Президенти Шавкат Мирзиёев 13 май куни БМТ Бош котиби ўринбосари ва БМТ Аҳолишунослик жамғармаси ижрочи директори Диене Кейта билан учрашув ўтказди. БМТ Аҳолишунослик жамғармаси раҳбари Ўзбекистонга расмий ташриф билан келган.
Ўзбекистон Президенти Шавкат Мирзиёев 13 май куни SOCAR раҳбари Ровшан Нажаф, шунингдек, “Ўзбекистон энергетика ҳафталиги 2026” форумида иштирок этиш учун мамлакатга келган British Petroleum компанияси раҳбарияти Ариэль Флорес ва Жованни Кристофоли билан учрашув ўтказди. Музокаралар давомида энергетика ва нефть-газ соҳаларида ўзаро манфаатли ҳамкорликни кенгайтириш масалалари муҳокама қилинди.
13 май куни Ўзбекистон Республикаси Инсон ҳуқуқлари бўйича миллий марказида Хитой Инсон ҳуқуқларини ривожлантириш жамғармаси вице-президенти ва бош котиби Ли Хункуй бошчилигидаги делегация билан учрашув бўлиб ўтди. Делегация 14 май куни бўлиб ўтадиган “Хитой – Марказий Осиё – 2026” инсон ҳуқуқларини ривожлантириш форумида иштирок этиш учун Тошкент шаҳрига ташриф буюрган.
13 майга ўтар кечаси Швециядан махсус чартер рейси орқали Тошкент шаҳрига миграция қонунчилигини бузгани учун депортация қилинган 20 нафар Ўзбекистон фуқароси олиб келинди. Фуқароларнинг қайтарилиши Ўзбекистон ва Швециянинг тегишли идоралари ўртасидаги ҳамкорлик доирасида ташкил этилди.