Хоразм вилоятида дорихонада йирик миқдордаги пул маблағларини талон-торож қилиш ҳолати аниқланди. Бу ҳақда Бош прокуратура ҳузуридаги департамент хабар қилди.
Ўзбекистон Президенти Шавкат Мирзиёев соғлиқни сақлаш тизимида хусусий сектор ролини кенгайтиришга қаратилган фармонни имзолади. Ҳужжатга мувофиқ, 2026 йил 1 июлдан хусусий тиббиёт муассасалари давлат тиббий суғуртаси доирасида хизмат кўрсатиш ҳуқуқига эга бўлади.
Ўзбекистонда коррупцияга қарши кураш доирасида бир қатор тезкор тадбирлар ўтказилиб, улар давомида ҳуқуқни муҳофаза қилувчи органлар, таълим тизими ва фавқулодда вазиятлар хизмати ходимлари қўлга олинди. Амалиётлар Давлат хавфсизлик хизмати томонидан Бош прокуратура ҳузуридаги департамент ва ички ишлар органлари билан ҳамкорликда амалга оширилди.
Президент Шавкат Мирзиёев соғлиқни сақлаш соҳасида бошқарув тизимини қайта ташкил этиш ва янгиланган тузилма раҳбарини тайинлаш тўғрисидаги қарорни имзолади. Ҳужжатга мувофиқ, Абдулла Азизов Соғлиқни сақлаш вазирлиги ҳузуридаги Тиббиёт ва фармацевтика тармоғини ривожлантириш агентлиги директори лавозимига тайинланди.
Нодирбек Абдусатторов шахмат бўйича нуфузли TEPE Sigeman турнирида муваффақиятли иштирок этмоқда. У 6-тур доирасида туркиялик Яғис Каан Эрдоғмушга қарши баҳс олиб борди ва дуранг қайд этди.
Президент Шавкат Мирзиёев корхоналар фаолияти барқарорлигини ошириш ва тадбиркорлар муаммоларини ҳал этишга қаратилган чора-тадбирлар тақдимоти билан танишди. Муҳокама давомида қайд этилдики, бизнес фаол ривожланаётгани ва янги ишлаб чиқаришлар йўлга қўйилаётганига қарамай, айрим корхоналар тўлиқ қувватда ишламаяпти ёки тушум камайишига дуч келмоқда.
Самарқанд шаҳрида ўтаётган Осиё тараққиёт банкининг 59-чи йиллик йиғин доирасида хусусий сектор операциялари департаменти бош директори Изабел Чаттертон хорижий ва маҳаллий журналистлар учун брифингда иштирок этди. Ривожланишга бўлган эҳтиёж, айниқса инфратузилма, энергетика, транспорт боғлиқлиги ва таълим соҳаларида ортиб бормоқда.
Шавкат Мирзиёев Хунань провинциясидаги саноат корхонасида юз берган фожиа оқибатида кўплаб инсонлар қурбон бўлгани ва жиддий жароҳат олгани муносабати билан Хитой раиси Си Цзиньпинга ҳамдардлик билдирди.«Давлатимиз раҳбари вафот этганларнинг оила аъзолари ва яқинларига сабр-тоқат ва бардамлик сўзларини йўллаб, жароҳатланганлар тез фурсатда шифо топишини тилади», — дейилади Ўзбекистон президенти матбуот хизмати хабарида.
Ўзбекистонда янги рақамли хизмат — 086-шаклдаги тиббий маълумотномани онлайн тарзда расмийлаштириш жорий этилди. Бу ҳақда Ягона интерактив давлат хизматлари портали маълум қилди.
Халқаро қидирувда бўлган уч нафар фуқаро Ўзбекистонга олиб келинди. Экстрадиция Ички ишлар вазирлиги маълумотига кўра, Интерпол Миллий марказий бюроси мувофиқлаштирувида амалга оширилган.
Россия ва Украина давом этаётган можаро фонида қисқа муддатли сулҳ жорий этилганини маълум қилди. Россия Мудофаа вазирлиги маълумотига кўра, 8–9 май кунлари ўқ отишни тўхтатиш тўғрисидаги қарор президент Владимир Путин томонидан қабул қилинган ва Ғалаба куни муносабати билан белгиланган.
Айни кунларда Мисрнинг Исмоилия шаҳрида оғир атлетика бўйича ёшлар ўртасидаги жаҳон чемпионати бўлиб ўтмоқда. Унда иштирок этаётган Ўзбекистон терма жамоаси аъзолари ортда қолган кунда 1 тадан кумуш ва бронза медалларига сазовор бўлишди.
Ҳуқуқни муҳофаза қилувчи органлар ходимлари пойтахтнинг 39 ёшли фуқароси томонидан режалаштирилган буюртма қотилликнинг олдини олди. Бу ҳақда Тошкент шаҳар ИИББ хабар берди.
Осиё тараққиёт банки Бошқарувчилар кенгашининг 59-йиллик йиғилиши доирасида Ўзбекистон Туризм қўмитаси раиси Абдулазиз Аккулов Саудия Арабистони делегацияси билан учрашув ўтказди. Делегацияга ACWA асосчиси ва директорлар кенгаши раиси, шунингдек Vision Invest компанияси раҳбари Муҳаммад Абуннайян бошчилик қилди.
Ўзбекистон биринчи атом электр станциясини қурмоқда ва бу билан бирга фақат атомчилар яшайдиган жой эмас, балки кенгроқ маънода ривожланиш нуқтасига айланадиган шаҳар барпо этиш имкониятига эга бўлмоқда. Биз Беларусдаги Островец, Венгриядаги Пакш ва Россия атомшаҳарлари тажрибасини кўриб чиқиб, Жиззах вилоятидаги келажак шаҳри қандай бўлиши мумкинлигини таҳлил қилдик: у фақат станция ёнидаги хизмат шаҳарчаси бўладими ёки минтақанинг янги ўсиш нуқтасига айланадими?
Ўзбекистон президенти Шавкат Мирзиёев 5 май куни соғлиқни сақлаш тизимида бошқарув самарадорлигини ошириш тўғрисидаги фармонни имзолади.Ҳужжатга кўра, Соғлиқни сақлаш вазирлиги ҳузурида учта янги тузилма ташкил этилади.
Хитой — Қирғизистон — Ўзбекистон темир йўли лойиҳасини амалга ошириш минтақанинг транзит салоҳиятини сезиларли даражада ошириб, халқаро юк ташиш жараёнларини тезлаштиради. Бу ҳақда Ўзбекистон Президенти Шавкат Мирзиёев Осиё тараққиёт банки йиғилишидаги нутқи давомида маълум қилди.
Осиё тараққиёт банки президенти Масато Канда Бошқарувчилар кенгашининг 59-йиллик йиғилиши очилишида глобал беқарорлик шароитида минтақавий ҳамкорликни кучайтириш зарурлигини таъкидлади. Унинг сўзларига кўра, жаҳон иқтисодиёти геосиёсий парчаланиш, можаролар, иқтисодий силкинишлар ва иқлим хатарлари каби мисли кўрилмаган чақириқларга дуч келмоқда.
Нодирбек Абдусатторов шахмат бўйича нуфузли TEPE Sigeman турнирида муваффақиятли иштирок этмоқда. У 5-тур доирасида швециялик Нилс Гранделиусга қарши баҳс олиб борди ва дуранг қайд этди.
Президентнинг 5 май кунги фармони билан Элдор Эркинович Адилов соғлиқни сақлаш вазири лавозимига тайинланди. Бу ҳақда президент матбуот котиби Шерзод Асадов маълум қилди.
Элдор Адилов Ўзбекистон соғлиқни сақлаш вазири этиб тайинланиши билан бир вақтда, унинг деярли барча ўринбосарлари ҳам алмашгани маълум бўлди. Президент Шавкат Мирзиёев бу борадаги қарорни имзолади, деб хабар берди давлат раҳбари матбуот котиби Шерзод Асадов.
Ўзбекистоннинг Мисрдаги элчиси Мансурбек Қиличев (қароргоҳи Қоҳира шаҳрида) Жазоирдаги элчи этиб тайинланди, деб хабар бермоқда «Дунё» ахборот агентлиги.Элчи Жазоир ташқи ишлар, хориждаги ватандошлар ва Африка ишлари вазири Аҳмад Аттафга ишонч ёрлиқлари нусхаларини топширди.
5–10 май кунлари Варшава шаҳрида нуфузли "Grand Chess Tour" доирасида "Super Rapid & Blitz" турнири бўлиб ўтади. Жаҳоннинг кучли гроссмейстерлари иштирок этадиган мазкур мусобақа шахмат мухлислари диққат марказида.
АҚШда ўзбек хонандаси Юлдуз Усмонованинг 9 май куни Нью-Йорк шаҳридаги Брайтон-Бичда режалаштирилган концерти атрофида жамоатчилик муҳокамаси кучаймоқда. Қатор америкалик сиёсатчилар, жумладан Нассо округи раҳбари Брюс Блейкман, шунингдек Нью-Йорк штати Ассамблеяси депутатлари Майкл Новахов ва Алек Брук-Красны концертни бекор қилишга чақиришди.
Навоий вилоятида енгил автомобиль ва юк тортувчи транспорт воситаси иштирокида ўлим билан якунланган йўл-транспорт ҳодисаси содир бўлди. Вилоят ИИБ матбуот хизмати маълумотига кўра, 2 май куни соат 07:20 атрофида Канимех тумани ҳудудидан ўтувчи А-379 «Навоий — Учқудуқ» автомобиль йўлининг 142–143-километрида Nexia-3 ҳайдовчиси тезликни ошириб, хавфли бурилишда бошқарувни йўқотган.
Ўзбекистон Республикаси Президенти Шавкат Мирзиёев Осиё тараққиёт банки йиғилишида 2016 йилдан буён мамлакатда амалга оширилаётган кенг кўламли иқтисодий ислоҳотлар натижаларини сарҳисоб қилди. Давлат раҳбарининг таъкидлашича, ушбу давр мобайнида Ўзбекистон иқтисодиётига 150 миллиард доллар хорижий инвестициялар жалб этилган.
Ўзбекистон Президенти Шавкат Мирзиёев «Марказий Осиё туризм ҳалқаси» (Markaziy Osiyo turizm halqasi) номли йирик минтақавий лойиҳани амалга ошириш ташаббуси билан чиқди. Ташаббус сайёҳлар учун ягона тўсиқсиз макон яратиш ва Осиё тараққиёт банки ҳамда бошқа халқаро ҳамкорлар кўмагида трансчегаравий туристик йўналишларни ривожлантиришни назарда тутади.
Осиё ва Тинч океани минтақасида рақамли трансформация иқтисодиёт ва жамиятни ўзгартириб, барқарор ривожланиш, иқлим барқарорлиги ва минтақавий интеграцияни чуқурлаштириш учун янги имкониятлар очмоқда. Сунъий интеллектдан фойдаланишга тайёр тизимларни ўз ичига олган ишончли рақамли инфратузилмани мустаҳкамлаш, алоқа стандартларини уйғунлаштириш ва трансчегаравий рақамли коридорларни ривожлантириш давлат хизматларини яхшилаш, жамоалар имкониятларини кенгайтириш ва Барқарор ривожланиш мақсадларига эришишни тезлаштиришга хизмат қилади.
Осиё тараққиёт банки бугун тоза энергетика, аккумуляторлар, электромобиллар ва рақамли технологиялар учун зарур бўлган стратегик аҳамиятга эга минерал ресурслар етказиб бериш занжирларини ривожлантиришда Осиё ва Тинч океани минтақаси мамлакатларини қўллаб-қувватлашга қаратилган янги молиявий механизм ишга туширилганини эълон қилди. Муҳим минераллардан тортиб қайта ишлаш саноатигача бўлган қиймат занжирларига инвестицияларни ошириш масалалари 3 май куни Самарқандда бўлиб ўтган Осиё тараққиёт банкининг 59-йиллик йиғилиши доирасида ўтказилган семинарда муҳокама қилинди.
Фарғона вилоятида хотини ва вояга етмаган қизини ўлдиришда айбланган эркакка нисбатан суд ҳукми чиқарилди. Фожеа ўтган йил ноябрь ойида Ўзбекистон туманида содир бўлган.