Ўзбекистонда қишлоқ хўжалигини давлат томонидан қўллаб-қувватлашнинг янги механизми жорий этилди. Унга кўра, биржа орқали харид қилинган дизель ёқилғиси харажатларининг бир қисми компенсация қилинади.
Ўзбекистонда фуқароларни Жанубий Кореяга ишга жўнатишни ваъда қилган йирик коррупцион ва фирибгарлик схемаси фош этилди. Тергов маълумотларига кўра, уюшган гуруҳ хорижда расмий иш билан таъминлаш баҳонасида тахминан 90 миллион доллар маблағни ўзлаштирган.
Бугун, 14-май куни Руминия пойтахти Бухарест шаҳрида шахмат бўйича Grand Chess Tour 2026 туркумига кирувчи халқаро турнирнинг иккинчи босқичи — 2026 Super Chess Classic Romania мусобақаси старт олади. Мазкур нуфузли мусобақада жаҳоннинг энг кучли 10 нафар гроссмейстери ғолиблик учун баҳс олиб боради.
Шавкат Мирзиёев Қозоғистон президенти Қасим-Жомарт Тоқаевнинг таклифига биноан 15 май куни амалий ташриф билан ушбу мамлакатда бўлади. Бу ҳақда президент матбуот хизмати хабар берди.
Бехзот Раҳматуллаевич Нарматов Ўзбекистон президентининг ёқилғи-энергетика масалалари бўйича маслаҳатчиси этиб тайинланди. Бу ҳақда президент матбуот котиби Шерзод Асадов хабар берди.
Бухоро шаҳрида Осиё хотин-қизлари иккинчи форуми ўз ишини бошлади. Анжуманда Осиёнинг турли давлатларидан келган сиёсатчи, тадбиркор, олим ва эксперт аёллар иштирок этмоқда.
Ўзбекистон Республикаси Президенти Шавкат Мирзиёев 15 май куни амалий ташриф билан Қозоғистон Республикасига боради. Ташриф Қозоғистон Президенти Қасим-Жомарт Тоқаевнинг таклифига биноан амалга оширилади.
NASA’нинг тажрибали астронавтларидан бири, Халқаро космик станция собиқ командири Эндрю Фойстел Ўзбекистонга ташриф буюрди. Астронавт ўз фаолияти давомида 9 марта очиқ космосга чиққан ва орбитада жами 226 кун бўлган.
Тошкент шаҳрида Жаҳон иқтисодиёти ва дипломатия университети ҳузуридаги Дипломатик академия ҳамда ЕХҲТнинг Ўзбекистондаги лойиҳалар координатори ҳамкорлигида “Марказий Осиё: минтақавий ривожланишнинг янги парадигмаси” мавзусида халқаро конференция бўлиб ўтди. Конференцияда Марказий Осиё давлатлари ва Озарбайжон дипломатик академиялари вакиллари, дипломатик миссиялар, БМТнинг Марказий Осиё учун превентив дипломатия бўйича минтақавий маркази (Ашхобод), шунингдек, халқаро ва илмий ташкилотлар экспертлари, жумладан, Финляндия халқаро муносабатлар институти (FIIA) вакиллари иштирок этди.
Пайшанба куни Пекинда АҚШ президенти Дональд Трамп ва Хитой етакчиси Си Цзиньпин ўртасида музокаралар бўлиб ўтди. Gazeta Берлиндаги Карнеги маркази эксперти Темур Умаров билан музокаралардан нималарни кутиш кераклиги, томонлар учрашувга қандай позициялар билан келгани ҳамда АҚШ-Хитой саммитининг асосий мавзулари ҳақида суҳбатлашди.
Тошкент шаҳрида ўтказилаётган «Хитой — Марказий Осиё» инсон ҳуқуқларини ривожлантириш форуми доирасида Ўзбекистон Республикаси Инсон ҳуқуқлари бўйича миллий маркази ҳамда Хитой Инсон ҳуқуқларини ривожлантириш жамғармаси ўртасида ўзаро англашув меморандуми имзоланди. Ҳужжатга Ўзбекистон Республикаси Инсон ҳуқуқлари бўйича миллий маркази директори Акмал Саидов ва Хитой Инсон ҳуқуқларини ривожлантириш жамғармаси раҳбари Ли Хункуй имзо чекди.
АҚШ Сенати Кевин Уорш номзодини 54 га 45 та овоз билан Федерал захира тизими (ФЗТ) раиси лавозимига маъқуллади. Бу сўнгги ўн йилликларда дунёнинг энг муҳим марказий банкидаги юқори лавозим учун энг кескин курашлардан бирига якун ясади, деб ёзмоқда Financial Times.
Ўзбекистон Президенти Шавкат Мирзиёевга Тошкент метрополитенини модернизация қилиш, хавфсизликни ошириш ва инфратузилмани самарали ривожлантиришга қаратилган янги таклифлар тақдим этилди. Маълум қилинишича, пойтахт аҳолиси сонининг ўсиши, туризм оқимининг ортиши ҳамда шаҳар ҳудудининг кенгайиши муносабати билан 2030 йилга қадар метронинг кунлик йўловчи оқимини 1,8 миллион нафарга етказиш режалаштирилган.
Тошкент шаҳрида Ижтимоий ҳимоя миллий агентлиги томонидан учинчи марта кенг кўламли “Инсон учун” фестивали ташкил этилди. Бир неча йил давомида мазкур лойиҳа оддий савдо ярмаркасидан инклюзивлик, бандлик ва ижтимоий қўллаб-қувватлаш масалаларига бағишланган йирик ижтимоий платформага айланди.
Ўзбекистон Президенти Шавкат Мирзиёев “Нуроний” жамғармасининг Наманган вилояти бўлими раиси, сенатор Икромхон Нажмиддиновга фахрий унвон бериш тўғрисидаги фармонни имзолади. Кўп йиллик фидокорона меҳнати, давлат органларидаги самарали фаолияти ва ислоҳотларни амалга оширишдаги фаол иштироки учун унга “Ўзбекистон Республикасида хизмат кўрсатган ёшлар мураббийси” фахрий унвони берилди.
Тошкент вилоятида рашк сабаб содир этилган шафқатсиз қотиллик бўйича суд ҳукми эълон қилинди. Фожиа Зангиота туманида юз берган бўлиб, дўконда ишловчи 42 ёшли аёл билан муносабатлар туфайли икки эркак ўртасидаги можаро қонли якун топган.
Ўзбекистон Республикаси Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ) мутахассислари томонидан 2026-йил апрель ойида Ўзбекистондаги иккиламчи автомобиль бозори 1,4 миллиондан ортиқ очиқ эълонлар асосида таҳлил қилинди. Жорий йилнинг апрель ойида таклифлар сони март ойидагига нисбатан камайди.
UFC собиқ чемпиони, нигериялик Камару Усманнинг фикрича, ўрта вазн тоифасида собиқ чемпионликка даъвогар (84 кг гача) Хамзат Чимаев навбатдаги жангини бразилиялик Пауло Костага қарши ўтказиши керак. «Пауло Коста Азамат Мурзаканов билан жангда қанчалик ажойиб кўринганини эсланг.
Сўнгги пайтларда ўзини ММА жангчиси сифатида ҳам синаб кўраётган таниқли сўз устаси ва шоумен Элмурод Ҳақназаров навбатдаги жангига тайёргарлик кўрмоқда. Бу сафар унга октагонда бокс бўйича Рио—2016 Олимпиадаси ғолиби Фазлиддин Ғойибназаров рақиблик қилади.
Оғир вазн тоифасида WBA, WBC, IBF, IBO йўналишлари бўйича жаҳон чемпиони, украиналик Александр Усик вазн тоифасидан қатъи назар (P4P) дунёнинг энг яхши бешта боксчиси номини санаб ўтди. Спортчининг сўзларидан DAZN иқтибос келтирмоқда: «Теренс Кроуфорд, Канело, Шакур, Энтони Жошуа, Фьюри», — деди Александр.
Қозоғистон ва Ўзбекистон чегарасидаги “Капланбек” назорат-ўтказиш пунктида фуқаролардан пул талаб қилганликда гумонланаётган эркак қўлга олинди. Текширувларга ижтимоий тармоқларда тарқалган видео сабаб бўлган.
Сурхондарё вилояти суди судьясининг катта ёрдамчисига нисбатан жиноят иши қўзғатилди. У хизмат мавқеидан фойдаланиб, жиноят ишида қатнашувчи шахсларга енгиллик яратиб бериш эвазига катта миқдорда пул олганликда гумон қилинмоқда.
Ўзбекистон Президенти Шавкат Мирзиёев 13 май куни БМТ Бош котиби ўринбосари ва БМТ Аҳолишунослик жамғармаси ижрочи директори Диене Кейта билан учрашув ўтказди. БМТ Аҳолишунослик жамғармаси раҳбари Ўзбекистонга расмий ташриф билан келган.
Ўзбекистон Президенти Шавкат Мирзиёев 13 май куни SOCAR раҳбари Ровшан Нажаф, шунингдек, “Ўзбекистон энергетика ҳафталиги 2026” форумида иштирок этиш учун мамлакатга келган British Petroleum компанияси раҳбарияти Ариэль Флорес ва Жованни Кристофоли билан учрашув ўтказди. Музокаралар давомида энергетика ва нефть-газ соҳаларида ўзаро манфаатли ҳамкорликни кенгайтириш масалалари муҳокама қилинди.
13 май куни Ўзбекистон Республикаси Инсон ҳуқуқлари бўйича миллий марказида Хитой Инсон ҳуқуқларини ривожлантириш жамғармаси вице-президенти ва бош котиби Ли Хункуй бошчилигидаги делегация билан учрашув бўлиб ўтди. Делегация 14 май куни бўлиб ўтадиган “Хитой – Марказий Осиё – 2026” инсон ҳуқуқларини ривожлантириш форумида иштирок этиш учун Тошкент шаҳрига ташриф буюрган.
13 майга ўтар кечаси Швециядан махсус чартер рейси орқали Тошкент шаҳрига миграция қонунчилигини бузгани учун депортация қилинган 20 нафар Ўзбекистон фуқароси олиб келинди. Фуқароларнинг қайтарилиши Ўзбекистон ва Швециянинг тегишли идоралари ўртасидаги ҳамкорлик доирасида ташкил этилди.
Тошкент шаҳрида U15 ва U17 ёш тоифалари ўртасидаги бокс бўйича Осиё чемпионатининг ярим финал баҳслари якунланди. U17 ёш тоифасидаги мусобақалар якунларига кўра, Ўзбекистон терма жамоаси иштирокчи давлатлар орасида энг яхши натижани қайд этди.
2026 йил 12 май куни “Бюрократияни бартараф этиш — 2030” дастури доирасида вазирлик ва идораларнинг масъул ходимлари учун халқаро семинар-тренингнинг тантанали очилиш маросими бўлиб ўтди. Икки кунлик тадбир Стратегик ривожланиш ва ислоҳотлар агентлиги томонидан Бирлашган Араб Амирликлари экспертлари кўмагида ташкил этилди.
— Эрон ва АҚШ ўртасидаги оташкесим узайтирилди. Оташкесимга риоя қилиш қандай назорат этилмоқда?
Тошкент шаҳрида ижтимоий ташаббусларни ривожлантириш ва аҳолининг эҳтиёжманд қатламларини қўллаб-қувватлашга бағишланган анъанавий “Инсон учун” фестивали бўлиб ўтди. Тадбирда Биринчи хоним Зироат Мирзиёева иштирок этиб, тақдим этилган ижтимоий лойиҳалар, ногиронлиги бўлган шахслар томонидан ишлаб чиқарилган маҳсулотлар ҳамда ёшлар ва оилаларни қўллаб-қувватлашга қаратилган замонавий ёндашувлар билан танишди.