Белбоғли кураш: Осиё чемпионлари аниқланди

Қорақалпоғистон Республикасининг Нукус шаҳрида Белбоғли кураш бўйича ўғил болалар ҳамда қизлар ўртасида уч кун давом этган жаҳон ва Осиё чемпионатлари баҳслари якунланди.

Мусобақанинг сўнгги кунида Осиё чемпионлари ҳам аниқланди. Жумладан, ўғил болалар ўртасида мамлакатимиз вакиллари Исабек Бийсенбаев, Отабек Шавкатов, Темурбек Нематуллаев, Ҳумоюнмирзо Билолиддинов, Аҳлиддин Маматкаримов, Нурбек Мусинбоев, Исломбек Зиётбоев, Шоҳжаҳон Раҳматов, туркманистонлик Селим Аннаназаров, қозоғистонлик Аббас Раҳат, қизлар ўртасида мамлакатимиздан Рисолатхон Олимова, Зилолажон Қудратова, Гулнур Аманбаева, Анелия Турдибаева, Райхонахон Маматкаримова, қирғизистонлик Саниет Талаибекова, Назми Мундусбаевалар ўз вазн тоифаларида биринчи ўринларни эгаллаб, Осиё чемпионлари бўлишди.

Ғолиблар ташкилотчилар томонидан муносиб тақдирланди.