[ sport ] 9 Iyul 2025
Жастин Гетжи Илия Топурияни нокаут қилишини айтди
«Ҳозирда Топурия — катта юлдуз. Аммо у ўзига ҳаддан ортиқ ишонмоқда. Мен уни ноябрда, “Мадисон Сқуаре Гарден”даги турнирда нокаут қилишдан мамнун бўлардим», — дея Гетжининг сўзларини келтиради Sportskeeda нашри.
Эслатиб ўтамиз, Жастин Гетжи охирги жангини UFC 313 турнирида ўтказган ва унда озарбайжонлик Рафаэл Физиев устидан ҳакамларнинг бир овоздан чиқарган қарори билан ғалаба қозонган эди.
Илия Топурия эса профессионал ММА'даги фаолиятида ҳали мағлубият нималигини билмайди ва ҳозирда енгил вазн тоифасида UFC чемпионлик камарига эга.
Манба: www.daryo.uz