Қозоғистонлик теннисчи WTA 1000 турнири 1/4 финалига чиқди

АҚШнинг Цинциннати шаҳрида ўтказилаётган теннис бўйича WTA 1000 тоифасига кирувчи турнирда чорак финалчилар аниқланди.

WTA рейтингида 10-ўринни эгаллаб турган Елена Рибакина 1/8 финалда дунёнинг 6-ракеткаси америкалик Мэдисон Кизни мағлуб этишни уддалади — 6/7(3), 6/4, 6/2. Бу билан қозоғистонлик теннисчи ўзаро учрашувлардаги ҳисоб мувозанатини ҳам тиклаб қўйди — 3:3.

Икки соату 26 дақиқа давом этган баҳсда Рибакина 6, Киз 1 та эйс зарбасини амалга оширган. Қўшхатолар Мэдисонда уч баробар кўпроқ бўлди — 6 га 2. Брейклар бўйича устунлик эса табиийки Елена томонида — 6 га 3. Энди Рибакина 1/4 финалда дунёнинг биринчи ракеткаси беларуслик Арина Соболенкога қарши кортга чиқади.

Манба: gotennis