Дзюдо, ЖЧ: Вакилларимиз аралаш жамоавий баҳсларда финалга чиқди!

Болгарияда давом этаётган кадетлар ўртасидаги жаҳон чемпионатининг аралаш жамоавий баҳсларида финалчилар аниқланди.

Қувонарлиси, Ўзбекистон терма жамоаси яккалик баҳсларидан кейин аралаш жамоавий беллашувларни ҳам кўтаринки руҳда ўтказмоқда. Дзюдочиларимиз 1/2 финалда Мўғулистон терма жамоасини 4:2 ҳисобида мағлубиятга учратишди.

Иккинчи ярим финалда дзюдо ватани вакиллари Япония терма жамоаси Бразилиядан 4:2 ҳисобида устун келди. Медаллар учун кечадиган финал дастури бизнинг вақт билан соат 18:30да бошланади.