Ливерпуль-2025. Ўзбекистон делегацияси мағлубиятсиз юришини давом эттирмоқда

Ливерпуль шаҳри мезбонлигида кечаётган бокс бўйича жаҳон чемпионатида бугун 3-кун баҳслари ўтказилди. Унда Ўзбекистон терма жамоасининг 5 нафар аъзоси рингга кўтарилди ва уларнинг барчаси ғалабага эришди.

— 51 кг: Феруза Казакова — Юлиетт Хинестроза (Панама).
Феруза Казакова панамалик Юлиетт Хинестрозани 5:0 ҳисобида мағлуб этди. Казакова учун кейинги жанг 9 сентябрь куни бўлиб ўтади.

— 70 кг: Шавкатжон Болтаев — Кевин Скотт (Швеция).
Шавкатжон Швеция вакили Кевин Скоттни 3:2 ҳисобида мағлуб этди. У энди 8 сентябрь куни навбатдаги учрашувини ўтказади.

— 60 кг: Ситора Турдибекова — Тетиана Довхал (Украина).
Боксчимиз — 60 кг вазнда, украиналик Тетиана Довхални 5:0 ҳисобида мағлубиятга учратди. Боксчимиз биринчи раундни бой берган бўлса, кейин бўлимларда тажовузкор ҳаракат қилди ва ғалабага эришди.

+80 кг: Олтиной Сотимбоева — Мариа Ловчинска (Украина).
Аёллар ўртасид энг оғир вазнда вакилимиз Олтиной Сотимбоева ҳам украиналик Мария Ловчинскани қийинчиликсиз мағлуб этди. 5:0. Боксчимиз кейинги баҳсини чорак финалда 10 сентябр куни ҳиндистонлик Нупурга қарши ўтказади.

— 60 кг: Абдумалик Халоков — Меҳметхан Чинар (Туркия) А ринг. 00:30.
Абдумалик Халоков туркиялик Меҳметхан Чинарни катта устунлик билан мағлуб этди — 5:0. Чемпионимизнинг кейинги баҳси 8 сентябрга тўғри келади.

Манба: stadion.uz