Ливерпуль-2025. Азиза Зокирова германиялик боксчига ҳеч қандай имконият қолдирмади ва ярим финалга чиқди

Англиянинг Ливерпуль шаҳри мезбонлик қилаётган бокс бўйича Жаҳон чемпионатида бугун олтинчи кун кечки дастурдан ўрин олган жанглар ўтказилмоқда.

Аёллар ўртасида 70 кг. вазндаги вакилимиз Азиза Зокирова чорак финал босқичи доирасида германиялик Леоние Мюллерга қарши рингга кўтарилди. Ҳамюртимиз рақибга ҳеч қандай имконият қолдирмади. Ҳаттоки Азизи иккинчи бўлимда Мюллерни нокдаунга туширди.

Шу тариқа, Азиза Зокирова ЖЧда ярим финалга йўл олган ўзбекистонлик илк боксчига айланди.

Манба: stadion.uz