Бокс, ЖЧ. Ярим финалда ўзбек боксчилари кўпроқми, ёки қозоқлар?

Англиянинг Ливерпуль шаҳрида бокс бўйича катталар ўртасидаги Жаҳон чемпионати давом этмоқда.

Бугун мусобақада дам олиш куни. 10 сентябрь кунги жанглар якунига кўра, Ўзбекистон терма жамоасининг 9 нафар вакили ярим финалгача етиб келди (6 нафар эркак, 3 нафар аёл). Шунингдек, эртага яна 3 нафар ҳамюртимиз чорак финал жангини ўтказади.

Қўшниларимиз Қозоғистон терма жамоасида эса 8 нафар спортчи (5 нафар аёл, 3 нафар эркак) ярим финал йўлланмасини нақд қилди. Эртага қўшниларимизнинг икки нафар боксчиси чорак финалда рингга кўтарилади.