Махачев Делла Маддаленани мағлуб этиб, UFC'нинг икки карра чемпионига айланди

Россиялик Ислом Махачев UFC 322 мусобақасининг марказий жангида австралиялик Жек Делла Маддалена устидан ғалаба қозонди.

Махачев ҳакамлар қарори билан ғалаба қозониб, ярим ўрта вазн тоифасида камар соҳибига айланди. У UFC’нинг икки карра чемпионига айланди — бунгача 34 ёшли Махачев енгил вазн тоифасида чемпион бўлган.

Махачев ММАдаги 28-ғалабасини қўлга киритди. Унда битта мағлубият ҳам бор. Маддалена учинчи мағлубиятини қабул қилиб олди. Унда 18 та ғалаба бор.

Манба: www.stadion.uz.