Марказий Осиё ва Жанубий Кавказ битта геосиёсий минтақага айланди — Абдулазиз Камилов
Камилов Маслаҳат учрашуви якуни бўйича бир қанча хулоса чиқариш мумкинлигини таъкидлади. Хусусан, Камилов таъкидлашича, Шавкат Мирзиёевнинг саммит арафасида чиққан мақоласи шу саммит учун, иштирокчилар учун муҳим ва жуда бир ижобий, конструктив муҳит яратиб берган. «Ҳатто мана кун тартиби ҳам мана шу [мақола] асосида шаклланди», — дейди Камилов.
Президент маслаҳатчиси БМТ бош котиби Антониу Гутерриш табрик мактубинда бугунги Марказий Осиё жараёни шу турли давлатлар, кўп минтақалар учун ҳамкорлик, ўзаро ҳурмат, шу диалог нуқтаи назаридан намуна бўлиши мумкинлиги эканини таъкидлаганини маълум қилди.
«Агар биз мана шу намунани сиёсий тушунчага ўтказмоқчи бўлсак, бу қандайдир сиёсий модель. Мана шу минтақа миқёсида ривожланишни сиёсий-иқтисодий модели бўлиши мумкин», — деди Камилов.
Камилов Ўзбекистонда расмий равишда Озарбайжон давлатининг ушбу форматда иштирок этиши тасдиқланганини қайд этди.
«Бу нима дегани? Бу жуда энг муҳим жиҳатини ҳурматли президент Алиев ўзлари ёритиб бердилар. Шу ўзининг нутқида айтиб ўтдиларки, бугундан бошлаб мана шу Марказий Осиё ва Жанубий Кавказ битта геосиёсий ва гео иқтисодий минтақага айланди. Яъни агар келажакда биз мана шу боғлиқликни иккита катта минтақа орасида кучайтирсак, бу боғлиқлик бизда барқарорликни, тинчликни, хавфсизликни кучайтиришга хизмат қилади», — деди президент маслаҳатчиси.
Абдулази Камилоа нутқларда бир-бирига яқин мавзулар кўтарилганини таъкидлади.
«Бу нима дегани? Марказий Осиё битта овоз чиқариб, бутун дунёга мурожаат қиляптики, мана биз бирлашамиз, мана биз бир-биримизни ҳурмат қиламиз, мана биз мана шу минтақа даражасида интеграцияни янада кучайтирамиз [дегани]. Биз битта куч бўлиб, халқаро майдонда, битта халқаро субъект бўлиб, иштирок этишга тайёрмиз [дегани]. Мана шунинг ҳаммасини халқаро майдонда кузатувчилар, сиёсатчилар ҳаммаси тан оляпти ва кундан-кунга Марказий Осиё ўзини дунёда жуда бир кучли, кучли шу давлатлар сифатида намойиш қиляпти», — деди Камилов.
Президент маслаҳатчиси бу учрашувларни, тадбирларни тайёрлашда президент Шавкат Мирзиёев жуда катта хизмат қилганини қайд этди.
«Жуда кўп муаммолар йиғилиб қолган эди, уларни ҳал қилиш керак эди. Мана энди ҳал қилиб, биз янги босқичга ўтяпмиз. Бу янги босқич, янги кун тартиби. Янги кун тартиби, яъни регионал, минтақавий интеграция. Шунинг учун биз муболаға бўлмайди ҳеч қандай, агар айтсак ҳурматли президентимизнинг сиёсати туфайли мана шу Марказий Осиё жараёнида бугун революция содир этди». — деди Абдулазиз Камилов.