Усмон Нурмагомедов Царукян ҳақида: «Йилига бир марта жанг қилади ва дунёдаги энг яхши жангчи эканини айтади»
«Арманми? Гамротга ҳам, Ислам Махачёвга ҳам мағлуб бўлган. Ўтириб кутади, йилига бир марта жанг қилади ва ўзини дунёдаги энг яхши жангчи деб айтади. Ҳозирча у иккита жанг ўтказди, мен эса чемпионлик камаримни тўрт марта ҳимоя қилдим.
UFCда улар истаганларича гапиришлари мумкин. У ерда пиар-машина жуда кучли, бренд ҳам катта. Лекин у ерда шунчалик кучли жангчилар бор, деб айтмаган бўлардим.
Ҳозир Арман Руффига қарши жанг қилмоқда. Руффи эса яқинда Бенуа Сен-Денига мағлуб бўлди. Улар бир-бири билан жанг қилишади, ютқазишади ёки ғалаба қозонишади, лекин барибир топ — 10да қолишади», — дея Нурмагомедовнинг сўзларини келтиради Sport24.
Июль ойида Усмон Нью-Йоркдаги PFL турнирида Арчи Колганни биринчи раундда нокаутга учратиб, чемпионлик камарини ҳимоя қилди. Шундан сўнг у эркин агентга айланди. UFC президенти Дана Уайт ташкилот Нурмагомедовни ўз сафига қўшишдан манфаатдор эканини тасдиқлаган.