WBC Усикка Уайлдерга қарши чемпионлик ҳимоясини ўтказишга рухсат берди

WBC президенти Маурисио Сулаймон унинг ташкилоти украиналик Александр Усикка америкалик Деонтей Уайлдерга қарши чемпионлик унвонини ихтиёрий ҳимоя қилишга рухсат берганини маълум қилди.

«Деонтей Уайлдер рейтингда 8 ёки 9-ўринни эгаллаб турибди, шунинг учун у истаса Александр Усикни жангга чақиришга ҳақли. Усик ихтиёрий ҳимоя сўровини юборди ва у маъқулланди», — деди WBC президенти.

Эслатиб ўтамиз, аввалроқ Усик Уайлдерга қарши жангга қизиқиш билдирган, америкаликнинг ўзи эса бундай жангга қарши эмаслигини айтганди.