Майк Тайсон Мейвезерга қарши жанги қаерда ва қачон ўтказилиши мумкинлигини айтди

Халқаро бокс шон-шуҳрат зали аъзоси, шунингдек, бокс бўйича супер оғир вазн тоифасида собиқ мутлақ жаҳон чемпиони, америкалик Майк Тайсон бокс бўйича беш вазн тоифасида собиқ жаҳон чемпиони, 48 ёшли ҳамюрти Флойд Мейвезер билан бокс қоидалари бўйича кўргазмали жанг қачон ва қаерда ўтказилишини маълум қилди.

«Бу март ойида Африкада содир бўлади. Бизнинг жангимиз ақлбовар қилмас воқеа бўлади, у барча рекордларни янгилайди ва ушбу спорт тарихидаги энг йирик воқеалардан бирига айланади», — дея Тайсоннинг сўзларини келтиради talkSPORT портали.

Майкнинг профессионал рекорди 50 та ғалаба, еттита мағлубият ва иккита жанги муваффақиятсиз якунланган.