Карлос Алькарас фаолиятида илк бор Австралия очиқ чемпионати финалига йўл олди

Дунёнинг биринчи рақамли теннисчиси — испаниялик Карлос Алькарас Австралия очиқ чемпионати ярим финалида турнирда учинчи рақам остида таснифланган германиялик Александр Зверевни мағлуб этди ва фаолиятида илк бор Мелбурнда ўтаётган “Катта дубулға” турнири финалига йўлланмани қўлга киритди.

Учрашув Алькарас фойдасига 6:4, 7:6, 6:7, 6:7, 7:5 ҳисобида якунланди. Зверев ва Алькарас ўртасидаги баҳс турнирнинг энг узоқ давом этган учрашуви бўлиб, 5 соат 27 дақиқа давом этди. Финалда Алькарас сербиялик Новак Жокович (4) ва италиялик Янник Синнер (2) ўртасидаги баҳс ғолибига қарши кортга чиқади.