Усик Фюри билан учинчи жанг ўтказиш истагини билдирди

Ўта оғир вазн тоифасида WBA, WBC, IBF ва IBO йўналишлари бўйича мағлубиятга учрамаган 39 ёшли амалдаги жаҳон чемпиони украиналик Александр Усик британиялик машҳур Тайсон Фюрига қарши учинчи жанг ўтказишга қизиқиш билдираётганини маълум қилди.

- Тайсон Фюри ҳақида гаплашамиз. У сиз билан яна бир жанг ўтказмоқчи. У билан яна жанг қилишни хоҳлайсизми?

- Ҳа. Мен Тайсон Фюри билан жанг қилишни истайман. Муаммо йўқ.

- Буюк Британияда — бу унинг учун ягона муносиб жой эканлиги аниқ.

- Саудия Арабистони, АҚШ — фарқи йўқ", — деди Усик Seconds Out YouTube каналига берган интервьюсида.

Эслатиб ўтамиз, Усик ва Фюри 2024 йилда икки марта рингга кўтарилганди. Биринчи жанг ҳакамларнинг алоҳида қарори билан Александр фойдасига ҳал бўлди, иккинчиси ҳам Александрнинг ғалабаси, аммо ҳакамларнинг якдил қарори билан якунланди.