Элдор Адилов соғлиқни сақлаш вазири этиб тайинланди

Президентнинг 5 май кунги фармони билан Элдор Эркинович Адилов соғлиқни сақлаш вазири лавозимига тайинланди. Бу ҳақда президент матбуот котиби Шерзод Асадов маълум қилди.

У бунгача Президент администрацияси Ҳуқуқий экспертиза ва комплекс таҳлил қилиш департаменти шуъба мудири лавозимида ишлаган. Шунингдек, у «Соғлиқни сақлаш лойиҳалари маркази» лойиҳа офисига раҳбарлик қилган. 2024 йил кузида Gazeta у билан давлат тиббий суғуртаси тизимини жорий этиш ҳақида интервю эълон қилганди.

Элдор Адилов номзоди Олий Мажлис Қонунчилик палатаси депутатлари томонидан маъқулланган.

Асилбек Анварович Худаяров бошқа ишга ўтиши муносабати билан соғлиқни сақлаш вазири лавозимидан озод этилди.