Музаффар Камилов президентнинг диний-маърифий масалалар бўйича маслаҳатчиси бўлди

Музаффар Муротович Камилов президентнинг диний-маърифий масалалар бўйича маслаҳатчиси лавозимига тайинланди, дея хабар бермоқда давлат раҳбари матбуот хизмати.

Музаффар Камилов март ойидан буён Президент администрацияси Диний-маърифий масалалар бўйича департаментининг бошлиғи лавозимида ишлаб келаётганди.

Ундан аввал эса у президентининг вакиллик органлари, нодавлат нотижорат ташкилотлар, дин ва ёшлар масалалари бўйича маслаҳатчиси ўринбосари бўлган.

Камилов фаолияти давомида Ўзбекистон халқаро ислом академияси ректори, президентнинг жамоат ва диний ташкилотлар билан ҳамкорлик масалалари бўйича маслаҳатчиси, Дин ишлари бўйича қўмита раисининг биринчи ўринбосари ва бошқа лавозимларда ишлаган.