Шавкат Мирзиёев Баҳоуддин Нақшбанд мақбараси зиёрат қилди

Ўзбекистон президенти Шавкат Мирзиёев Ўзбекистон — Озарбайжон саммитининг иккинчи куни тадбирларида иштирок этиш учун Бухоро шаҳрига келди. Бу ҳақда Президент матбуот хизмати хабар қилди.

Ташриф Баҳоуддин Нақшбанд мақбараси зиёратидан бошланди. Қуръон оятлари тиловат қилиниб, халқга тинчлик-фаровонлик тилаб, дуо ўқилди.

Мажмуа ислом оламининг қадамжоларидан бири ҳисобланади. Мазкур зиёратгоҳ Нақшбандия тариқатининг асосчиси Баҳоуддин Нақшбанд дафн этилган жойда барпо этилган бўлиб, бугунги кунда мақбара, хонақоҳ, масжидлар, дахма ва сўфийлик тарихи музейини ўз ичига олади.

Фото