11 сентябрь куни Ўзбекистонда қандай об-ҳаво кутилмоқда

Ўзбекистонда 11 сентябрь куни ўзгарувчан булутли об-ҳаво кузатилади. Айрим ҳудудларда қисқа муддатли ёмғир ёғиши, момақалдироқ бўлиши ва шамол кучайиши мумкин.

Тошкентда кечаси 18–20°, кундузи ҳаво 33–35° гача исийди. Қисқа муддатли кучсиз ёмғир ёғиши мумкин, ғарбдан 5–10 м/с тезликда шамол эсади.

Тошкент, Самарқанд, Жиззах ва Сирдарё вилоятларида айрим жойларда қисқа муддатли ёмғир ва момақалдироқ бўлиши мумкин. Ҳарорат кечаси 15–20°, кундузи 30–35° бўлади.

Қашқадарё вилоятида кундузи ҳарорат 31–36° гача, Сурхондарё вилоятида 33–38° гача кўтарилади. Сурхондарё вилоятида ёғингарчилик кутилмайди.

Андижон, Наманган ва Фарғона вилоятларида асосан қуруқ об-ҳаво кузатилади. Кечаси 15–20°, кундузи 32–37° бўлади.

Қорақалпоғистон Республикаси ва Хоразм вилоятида кундузи ҳарорат 23–28° ни ташкил этади. Қорақалпоғистонда айрим жойларда ёмғир ва момақалдироқ бўлиши мумкин. Айрим ҳудудларда ғарбдан эсувчи шамол 13–18 м/с гача кучайиши ва чанг-тўзонли позёмка кузатилиши мумкин.

Бухоро ва Навоий вилоятларида кечаси ва эрталаб айрим жойларда қисқа муддатли ёмғир ва момақалдироқ бўлиши мумкин. Кундузи ёғингарчилик кутилмайди, ҳарорат 30–35° гача кўтарилади.

Тоғли ҳудудларда айрим жойларда қисқа муддатли ёмғир ва момақалдироқ бўлади. Кечаси 12–17°, кундузи 23–28° бўлади.