Қозоғистонлик тенничи US Open ғолибига айланди
Учрашув 6:4, 5:7, 6:2 ҳисобида Рибакинанинг ғалабаси билан якунланди. Турнирда Сабаленка 1-рақамли, Рибакина эса 2-рақамли теннисчи сифатида сараланган эди.
Бу Рибакина учун “Катта дубулға” туркумидаги учинчи чемпионлик бўлди. У аввал 2022 йилда “Уимблдон” ва 2026 йилда Australian Open турнирларида ғолиб чиққан.
Бунга қадар Арина Сабаленка ва Елена Рибакина “Катта дубулға” турнирларида уч марта тўқнаш келган. Сабаленка 2021 йилги “Уимблдон” (1/8 финал) ва 2023 йилги Австралия очиқ чемпионатида (финал) ғалаба қозонган. 2026 йилги Australian Open финалида эса Рибакина Сабаленкани мағлуб этган.
Маълумот ўрнида, Сабаленка 28 ёшда, у 2024 йилнинг октябрь ойидан буён WTA рейтингида биринчи ўринни эгаллаб турган эди. US Open якунларига кўра, Рибакина пешқадамликни қўлга олади. Беларусьлик спортчи 23 та турнирда ғалаба қозонган. У тўртта “Катта дубулға” турнирларида — икки мартадан Австралия очиқ чемпионати (2023, 2024) ва АҚШ очиқ чемпионатида (2024, 2025) зафар қучган.
Елена Рибакина 27 ёшда. Қозоғистонлик теннисчи Аёллар теннис ассоциацияси (WTA) турнирларининг яккалик баҳсларида жами 9 та титулни қўлга киритган. Рибакина бунга қадар 2 марта “Катта дубулға” турнирида — “Уимблдон” (2022) ҳамда Австралия очиқ чемпионатида (2026) бош совринга эга чиққан. У яккалик баҳсларида 2020 йилги Токио Олимпиадасида 4-ўринни эгаллаган.
Манба: daryo.uz