Теннис. Александр Зверев US Open чемпионига айланди
Учрашув 6:3, 7:6, 5:7, 6:2 ҳисобида Зверевнинг ғалабаси билан якунланди. Турнирда Зверев 1-рақамли, Шелтон эса 8-рақамли теннисчи сифатида сараланган эди.
Бу германиялик теннисчи учун “Катта дубулға” туркумидаги иккичи чемпионлик бўлди. У 2026 йилда “Ролан Гаррос” турнирида бош совринини қўлга киритган.
Америкалик Бен Шелтон фаолиятида илк бор Гранд Слам мусобақаларининг финалига етиб келди. Бунга қадар Александр Зверев ва Бен Шелтон барча турнирларида жами 6 марта тўқнаш келишган бўлиб, уларнинг барчасида Александр Зверев ғалаба қозонган (6:0).
Александр Зверев АҚШ очиқ чемпионати турниридаги ғолибликдан сўнг 2000 рейтинг очкоси ҳамда 5 500 000 АҚШ доллари миқдорида мукофот пулини қўлга киритди. Бен Шелтон эса 2,8 млн доллар ҳамда 1300 рейтинг очкосига эга чиқди.
Маълумот ўрнида, Александр Зверев 29 ёшда. Германиялик теннисчи Профессионал теннисчилар ассоциацияси (ATP) турнирларининг яккалик баҳсларида жами 26 та титулни қўлга киритган. Германиялик спортчи 2 марта “Катта дубулға” турнирларида ғолиб чиққан (Франция очиқ чемпионати — 2026) ва (US Open — 2026). У яккалик баҳсларида 2020 йилги Токио Олимпиадасининг (2021 йилда ўтказилган) олтин медали соҳиби ҳамда икки карра ATP Finals турнирининг икки карра ғолиби (2018, 2021) ҳисобланади.
Бен Шелтон 23 ёшда. Америкалик теннисчи Профессионал теннисчилар ассоциацияси (ATP) турнирларининг яккалик баҳсларида жами 2 та титулни қўлга киритган. У 2026 йилги US Open турнирининг чорак финал баҳсида амалдаги чемпион испаниялик Карлос Алкарасни енгишга муваффақ бўлганди.
Манба: daryo.uz