Шавкат Мирзиёев Жанубий Корея Миллий Ассамблеяси Спикери билан учрашди
Президент Шавкат Мирзиёев Сеулда Жанубий Корея Миллий Ассамблеяси Спикери Чо Чжон Сик билан музокара ўтказиб, парламентлараро алоқаларни янада мустаҳкамлаш масалаларини муҳокама қилди.
Давлат ташрифи доирасида ўтган учрашувда томонлар Ўзбекистон ва Жанубий Корея ўртасидаги алоҳида стратегик шерикликни ривожлантиришда парламентлар муҳим ўрин тутишини қайд этди. Хусусан, Олий Мажлис палатахларида «Электрон парламент» лойиҳасини амалга оширишдаги ҳамкорлик юқори баҳоланди. Шунингдек, олий даражадаги келишувлар ижроси устидан парламент мониторинги механизмини яратиш таклиф қилинди. Музокаралар якунида 2027 йилда икki мамлакат ўртасида дипломатик муносабатлар ўрнатилганининг 35 йиллиги муносабати билан парламент дипломатияси тадбирларини ўтказишга келишиб олинди.