Арман Царукян, Руффи, Ван ва Пантожа UFC 331 турнирида қанча ишлаб топгани маълум бўлди
Калифорния штати спорт комиссияси маълумотларига кўра, Арман Царукян Маурисио Руффига қарши жанг учун 350 минг доллар олган. Бразилиялик жангчига октагонга чиққани учун 110 минг доллар тўланган ва ғалаба қозонган тақдирда яна 110 минг доллар қўшиб берилиши керак эди. Руффи мағлуб бўлгани сабабли унинг кафолатланган гонорари 110 минг долларни ташкил этди.
Джошуа Ван Александр Пантожага қарши турнирнинг марказий жанги учун 500 минг доллар ишлаб топди. Пантожанинг гонорари эса 650 минг долларни ташкил қилди.
Шу билан бирга, кўрсатилган суммалар ўйин кўрсаткичлари учун бериладиган бонус ва бошқа қўшимча тўловларни ўз ичига олмайди. Царукян шунингдек «Кечанинг энг яхши чиқиши» учун бонус олган бўлса, Ван ва Пантожа «Кечанинг энг яхши жанги» учун бонусга эга бўлишди.