Тошкент аэропортида Дубайдан келган фуқародан 1,3 миллиард сўмлик олтин аниқланди

Тошкент аэропортида Дубай — Тошкент рейси билан келган фуқаронинг багажидан 1,293 миллиард сўмлик декларация қилинмаган заргарлик буюмлари ва олтин қуймалари аниқланди.

Божхона назорати вақтида фуқаронинг багажидан умумий оғирлиги 921,37 грамм бўлган 141 та заргарлик буюми топилган. Шунингдек, учта олтин қуймаси ҳам аниқланган.

Экспертиза хулосасига кўра, заргарлик буюмлари ва олтин қуймаларининг умумий қиймати 1 миллиард 293 миллион сўмни ташкил этган.

Багажда акциз маркалари бўлмаган 120 қути тамаки ва 90 дона никотинли снюс ҳам бўлган.

Ҳолат юзасидан жиноят иши қўзғатилган. Ҳозирда тергов ҳаракатлари олиб борилмоқда.