АҚШ тарихида илк бор мусулмон сенатор сайланди
Мичиган штатида ўтказилган сайловларда Демократик партиядан номзод Абдул Эл-Сайед ғалаба қозониб, АҚШ тарихида Сенатга сайланган биринчи мусулмон сифатида қайд этилди.
«Мичиган, биз буни уддаладик!» дея ўз тарафдорларига мурожаат қилган Эл-Сайед Сенатда штат номидан вакиллик қилиш катта шараф ва масъулият эканини таъкидлади. У сайловолди кампанияси давомида тез-тез «Иншааллоҳ» иборасини ишлатганини эслаб, ғалабадан сўнг бу сўз «Алҳамдулиллаҳ»га айланганини алоҳида эътироф этди.
Янги сайланган сенатор 2027 йилнинг январь ойида расман қасамёд қабул қилиб, ўз лавозимидаги вазифаларини бажаришга киришади.