Ўзбекистонда совуқ тушиши сабабли метан заправкалари фаолияти вақтинча чекланиши мумкин
Ўзгидромет прогнозларига кўра, 9-11 ноябрь кунлари ёмғир ёғиши, шимолий ҳудудлар ва тоғли жойларда эса қор тушиши кутилмоқда. Ҳарорат шимолда кечаси минус 7 даражагача, айрим ҳудудларда эса минус 1-2 даражагача пасаяди.
Энергетика вазирлиги маълум қилишича, газ таъминотида биринчи навбатда аҳоли хонадонлари, мактаблар, боғчалар ва шифохоналар таъминланади.
Зарур ҳолларда ҳокимликлар билан келишилган ҳолда метан заправкалари фаолияти вақтинча чекланиши мумкин. Бу ҳақда истеъмолчилар олдиндан огоҳлантирилади.