Самбочиларимиз Тошкентдаги Жаҳон чемпионатида навбатдаги медалларни қўлга киритишди
Тошкент шаҳрида самбо бўйича ўтказилаётган Жаҳон чемпионатида навбатдаги мусобақа куни якунланиб, ғолиб ва совриндорлар аниқланди. Навбатдаги беллашувлар якунига кўра, Ўзбекистон терма жамоаси аъзолари 2 та кумуш ва 2 та бронза медалига сазовор бўлишди.
Совриндор спортчиларимиз:
Кумуш медаль:
- — 58 кг: Шаҳзода Азатова (жанговар самбо)
- — 59 кг: Лутфилла Сайдаматов (жанговар самбо)
Бронза медаль:
- — 88 кг: Санжар Аблакулов
- — 80 кг: Мухлиса Турдиева
Спортчиларни тақдирлаш маросимида Ўзбекистон Миллий Олимпия қўмитаси раҳбарияти иштирок этди.
Ушбу ғалабалардан сўнг Ўзбекистон самбочиларининг Жаҳон чемпионатидаги умумий медаллар ҳисоби 2 та олтин, 4 та кумуш ва 4 та бронзага етди.