Миллий статистика қўмитаси маълумотларига кўра, 2026 йилнинг II чорагида Ўзбекистонда турар жой кўчмас мулки нархлари ўтган чоракка нисбатан 1,3 фоизга, 2025 йилнинг мос даврига нисбатан эса 4 фоизга ошган. Квартиралар нархи бир йил давомида 5,5 фоизга, жумладан: бирламчи бозорда — 7,1 фоизга;иккиламчи бозорда — 4,2 фоизга қимматлашган.
Бугун, Халқаро шахмат куни муносабати билан ҳамда 2026 йил 15–27 сентябрь кунлари илк бор Самарқанд шаҳрида ўтказиладиган Жаҳон шахмат олимпиадаси арафасида Ўзбекистон шахмат федерацияси халқаро сунъий интеллектга асосланган idChess платформасида «Ўзбекистон терма жамоасини қўллаб-қувватла — ўз юришингни амалга ошир!» рақамли кампанияси бошланганини эълон қилди. Кампаниянинг асосий мақсади бўлажак нуфузли мусобақани спорт, бизнес, ёшлар ва рақамли технологияларни бирлаштирувчи умуммиллий ҳаракатга айлантиришдан иборат.
Аномал иссиқ об-ҳаво кузатилаётгани муносабати билан Давлат меҳнат инспекцияси мамлакатдаги барча ҳокимликларга очиқ ҳавода меҳнат қилаётган ходимларни ҳимоя қилиш бўйича кўрсатма юборди. Талаблар, аввало, ободонлаштириш хизмати ходимларига тааллуқли.
Фарғона вилоятида янги туғилган ўғлини кредит қарзларини тўлаш мақсадида сотишга уринган ёш ота-онага нисбатан суд ҳукми чиқарилди. Олий суд маълумотига кўра, улар 2024 йилда танишган ва ота-оналарининг расмий розилигисиз бирга яшай бошлаган.
Ўзбекистон Республикаси Бош прокурори Ниғматилла Йўлдошев расмий ташриф билан Озарбайжонга борди. Ташриф доирасида Ўзбекистон назорат органи раҳбарининг Озарбайжон Бош прокурори Камрон Алиев билан учрашуви режалаштирилган.
Ёнғинларнинг олдини олиш, шунингдек, ёнғин содир бўлганда тезкор чора кўриш мақсадида пойтахт бозорлари ҳудудида ёнғин-қутқарув экипажларининг навбатчилиги ташкил этилган. Шу билан бирга, мамлакатнинг барча бозорларида мунтазам равишда ўқув машғулотлари ўтказилмоқда.
Бугун, 20 июль куни Тошкент шаҳрининг айрим ҳудудларида электр энергияси таъминотида қисқа муддатли узилишлар юзага келиши мумкин. Бу «Озодлик» подстанциясида янги автотрансформаторни ишга тушириш ишлари билан боғлиқ.
20 июль куни Ўзбекистоннинг аксарият ҳудудларида ёғингарчиликсиз, қуруқ ва иссиқ об-ҳаво сақланиб қолади. Синоптиклар маълумотига кўра, сўнгги кунларда кузатилган ўта юқори ҳароратлардан кейин ҳаво ҳарорати аста-секин пасайишни бошлайди.
Таиланд пойтахти Бангкок шаҳрида турли ёш тоифалари ўртасида сув спорти турлари бўйича Осиё чемпионати давом этмоқда. Мусобақада Ўзбекистон терма жамоасининг дастлабки медалларини сувга сакраш бўйича спортчилар қўлга киритди.
Ўзбекистон Президентининг тегишли фармонлари билан Рустам Мирзаевич Жўраев Президент Давлат хавфсизлик хизмати раиси лавозимига тайинланди. Давлат раҳбарининг яна бир фармонига мувофиқ, Рустам Жўраевга генерал-лейтенант махсус унвони берилди.
Ўзбекистон Президенти Давлат хавфсизлик хизмати раиси Алишер Усманов эгаллаб турган лавозимидан озод этилди. Алишер Усманов мазкур лавозимда 2020 йил декабрь ойидан буён фаолият юритиб келаётган эди.
18 июль куни Ўзбекистонда аномал иссиқлик ўзининг энг юқори даражасига етади. «Ўзгидромет» маълумотига кўра, республика ҳудуди бўйлаб қуруқ ва жуда иссиқ об-ҳаво сақланиб қолади, ёғингарчилик кутилмайди.
Йўловчилар ва поездлар ҳаракати хавфсизлигини таъминлаш, шунингдек, темирйўл инфратузилмасининг барқарор ва ишончли ишлашини таъминлаш мақсадида айрим йўналишларда поездлар ҳаракат тезлигига вақтинчалик чекловлар ўрнатилади. Шу муносабат билан айрим поездлар ҳаракат жадвалида кўрсатилган вақтдан кечроқ манзилга етиб бориши мумкин.
Миллий статистика қўмитаси маълумотларига кўра, 2026 йилнинг январь-май ойларида Ўзбекистонда йирик корхоналар томонидан 2,3 трлн сўмлик асосий фармацевтика маҳсулотлари ва препаратлари ишлаб чиқарилган. Бу кўрсаткич ўтган йилнинг мос даврига нисбатан 29,4 фоизга ошган.
17 июль куни Тошкент шаҳрида Ўзбекистон ва Озарбайжон ўртасидаги ҳамкорлик бўйича Қўшма ҳукуматлараро комиссиянинг 15-йиғилиши ҳамда комиссия ҳузуридаги Ишбилармонлар кенгашининг биринчи йиғилиши бўлиб ўтди. Тадбирга Ўзбекистон инвестициялар, саноат ва савдо вазири Лазиз Қудратов ҳамда Озарбайжон иқтисодиёт вазири Микайил Жаббаров ҳамраислик қилди.
Миллий статистика қўмитаси маълумотларига кўра, Ўзбекистонда 2026 йил 1 январь ҳолатига 17 763 та кутубхона фаолият юритмоқда. Уларда 89,2 млн нусхада китоб ва журналлар мавжуд.
2026 йил 1 октябрдан Ўзбекистонда фуқароларнинг мулкий ҳуқуқларини ҳимоя қилиш, давлат хизматларини соддалаштириш, кредит муносабатларида шаффофликни ошириш ҳамда рекламани тартибга солишга қаратилган қатор янги тартиблар кучга киради. Янги қоидаларга мувофиқ, автомобил ва кўчмас мулк эгалари MyGov ягона интерактив давлат хизматлари портали орқали ўз мол-мулкининг сотилиши ёки гаровга қўйилишига мустақил равишда тақиқ ўрнатиш имкониятига эга бўлади.
Хитойнинг Шанхай шаҳрида Бутунжаҳон сунъий интеллект конференцияси (WAIC) бўлиб ўтди. Конференция доирасида, 16 июль куни «Сунъий интеллект соҳасида ҳамкорлик бўйича Бутунжаҳон ташкилотини (WAICO) ташкил этиш тўғрисидаги Битим»ни имзолаш маросими бўлиб ўтди.
ЙҲХХга кўра, жорий йилнинг 16 июль куни соат 18:30 ларда пойтахтнинг «Дўрмон йўли» кўчаси бўйлаб 3 нафар ЙПХ инспекторлари патруллик мотоциклларида ҳаракатланиб кетаётган вақтида, «Ғазалкент» кўчасидан чорраҳага кириб келган «Оnix» русумли транспорт воситаси билан тўқнашиб йўл-транспорт ҳодисаси содир этган. ЙТҲ натижасида патруллик мотоциклини бошқариб келган 1 нафар ЙПХ ходими олган тан жароҳатлари сабаб воқеа жойида вафот этган.
Миллий статистика қўмитаси маълумотларига кўра, Ўзбекистонга 2026 йилнинг январь-апрель ойларида хориждан қиймати 1,3 млн АҚШ долларига тенг бўлган атир-упа ва парфюмерия маҳсулотлари импорт қилинган. Импорт қиймати ўтган йилнинг мос даврига нисбатан 13,8 фоизга ошган.
2026 йилнинг иккинчи чорагида Ўзбекистонда турар жой кўчмас мулки нархларининг ўсиши давом этди. Статистика қўмитаси маълумотларига кўра, уй-жой нархлари биринчи чоракка нисбатан 1,3 фоизга, ўтган йилнинг шу даврига нисбатан эса 4 фоизга ошган.
Ўзбекистонда бир неча кун давом этган аномал иссиқ об-ҳаводан сўнг ҳаво ҳарорати сезиларли даражада пасайиши кутилмоқда. Бу ҳақда «Ўзгидромет» маълум қилди.
17 июль куни Ўзбекистонда жуда иссиқ ва қуруқ об-ҳаво сақланиб қолади. Синоптиклар маълумотига кўра, республика ҳудуди бўйлаб ёғингарчилик кутилмаяпти.
Бухоро вилояти ва Қорақалпоғистон Республикасида ҳуқуқни муҳофаза қилувчи органлар томонидан дори воситаларининг ноқонуний муомаласига оид ҳолатлар аниқланди. Тезкор тадбирлар давомида қалбаки дори воситалари тайёрланган яширин цех, ноқонуний омборлар ҳамда тегишли ҳужжатларсиз сақланган дори воситалари партиялари фош этилди.
16 июль куни кечқурун Тошкент вилоятининг Зангиота туманида жойлашган пропан автогаз қуйиш шохобчасида портлаш содир бўлиб, ортидан ёнғин келиб чиққан. Фавқулодда вазиятлар вазирлиги маълумотига кўра, М-39 автомобиль йўли ёқасида жойлашган автогаз қуйиш шохобчасида ёнғин чиққанлиги ҳақидаги хабар 22:46 да келиб тушган.
Ўзбекистонда йил бошидан буён маҳаллалар фаолияти самарадорлигини баҳолаш натижаларига кўра 152 нафар маҳалла раиси лавозимидан озод этилди, яна 700 нафар раҳбарга нисбатан интизомий чоралар қўлланилди. Маълум қилинишича, қарорларга айрим маҳаллаларда аҳоли бандлигини таъминлаш бўйича ишлар қониқарсиз даражада ташкил этилгани сабаб бўлган.
Президент Шавкат Мирзиёев маҳаллалар фаолиятига бағишланган видеоселектор йиғилишида «маҳалла еттилиги» тизими самарадорлигини ошириш масалаларига алоҳида тўхталди. Давлат раҳбари сўнгги йилларда туман ҳокимлари ва маҳалла раисларининг молиявий ваколатлари кенгайтирилганини қайд этди.
Тошкент метрополитенининг «Ер усти ҳалқа» йўналишидаги «Турон» метро бекатида том конструкциясининг бир қисми силжиши билан боғлиқ ҳодиса юз берди. Бу ҳақда «Тошкент метрополитени» давлат унитар корхонаси маълум қилди.
Ўзбекистон Туризм қўмитаси раиси Азиз Аккулов Қирғизистон Туристик ташкилотлар ассоциацияси (KATO) ижрочи директори Нурлан Сапаров ҳамда икки мамлакатнинг етакчи туроператорлари раҳбарлари билан учрашув ўтказди. Давра суҳбати давомида ўзаро туристлар оқимини ошириш, қўшма туристик йўналишларни шакллантириш, шунингдек, Ўзбекистон ва Қирғизистон туроператорлари, меҳмонхоналари ҳамда транспорт компаниялари ўртасидаги ҳамкорликни ривожлантириш масалалари муҳокама қилинди.
Миллий статистика қўмитаси маълумотларига кўра, 2026 йилнинг январь–май ойларида Ўзбекистонда металлургия саноати ҳажми 151,8 трлн сўмни ташкил этган. Мазкур кўрсаткичнинг ҳудудлар кесимидаги ҳажми қуйидагича:Навоий вилояти — 100,2 трлн сўм; Тошкент вилояти — 38,1 трлн сўм; Тошкент шаҳри — 8 трлн сўм; Самарқанд вилояти — 3,7 трлн сўм; Наманган вилояти — 538,1 млрд сўм; Сирдарё вилояти — 477,6 млрд сўм; Жиззах вилояти — 192 млрд сўм; Фарғона вилояти — 190,8 млрд сўм; Бухоро вилояти — 132,3 млрд сўм; Сурхондарё вилояти — 86,8 млрд сўм; Қорақалпоғистон Республикаси — 66,3 млрд сўм; Андижон вилояти — 37,9 млрд сўм; Хоразм вилояти — 19,6 млрд сўм; Қашқадарё вилояти — 11,3 млрд сўм.