2026 йил 27–28 октябрь кунлари Брюсселда «Марказий Осиё – Европа Иттифоқи: ўзгараётган дунёда ҳамкорлик трансформацияси» мавзусида Марказий Осиё ва Европа Иттифоқи таҳлил марказларининг биринчи форуми бўлиб ўтди. Унда икки минтақа ўртасидаги ҳамкорликни кенгайтириш, савдо-иқтисодий алоқаларни ривожлантириш ва транспорт боғлиқлигини мустаҳкамлаш масалалари муҳокама қилинди.
Пойтахтимизда рекорджон 5831 нафар шахматчини бирлаштирган V «Zakovat-Gambit» турнирининг ҳал қилувчи финал ўйинларига старт берилди. Бу йилги мусобақа кўламини кенгайтириш ва барча шахмат ишқибозларига имконият яратиш мақсадида илк бор икки босқичли саралаш тизими жорий этилди: республиканинг 14 та ҳудудида оффлайн ҳамда онлайн платформада қўшимча саралаш ўйинлари ўтказилди.
Самарқанд вилоятида «Жартепа» эркин савдо ҳудудини ишга туширишга тайёргарлик жадаллаштирилмоқда. У чегараолди савдосини соддалаштириш, логистикани яхшилаш ва Тожикистонга экспорт имкониятларини кенгайтиришга хизмат қилиши кутилмоқда.
Тошкент шаҳрининг Мирзо Улуғбек туманидаги Салар Бўйи кўчасида жойлашган уйда 22 хил пиво ноқонуний ишлаб чиқарилаётгани аниқланди. Бу ҳақда Бош прокуратура хабар берди.
Барча ресурслардан самарали фойдаланиш имконини берадиган инфратузилмани қандай яратиш мумкин? Green Youth Cup экологик стартаплар дастури финали Ўзбекистон ёшлари бу ҳақда ўйлаётгани, ўз ғоя ва лойиҳаларини таклиф қилаётганини кўрсатди.
UFC ярим ўрта вазн тоифаси чемпиони Ислом Махачев кейинг жангги фаолиятидаги сўнггиси бўлиши мумкинлигини таъкидлади. Доғистонлик жангчи бу ҳақда ижтимоий тармоқдаги саҳифасида ёзиб қолдирди.
NBA'нинг беш карра чемпиони Коби Браянт мактаб жамоасида ўйнаган пайтида кийган либос Sotheby’s аукционида 2,2 миллион долларга сотилди. Бу ҳақда New York Post хабар берди.
Ўзбекистонлик UFC жангчиси Рамазон Темиров сўнгги жангидаги мағлубиятидан сўнг ўз мухлисларига мурожаат қилди. Спортчи унга далда бўлган барчага ўз миннатдорчилигини билдириб, келгусида янада кучлироқ бўлиб қайтишини таъкидлаган.
Тошкент шаҳрининг Миробод туманида жиноятчиликнинг олдини олиш чораларини кучайтириш талаб этилмоқда: бу ерда олдини олиш мумкин бўлган жиноятлар кўрсаткичи ҳар 100 минг аҳолига 182,3 тани ташкил этиб, пойтахт бўйича ўртача даражадан (131,5) сезиларли даражада юқори. Сенаторлар ҳар бир маҳаллада ҳуқуқбузарликлар сабабларини чуқур таҳлил қилиш ва криминоген вазиятни яхшилаш бўйича қўшимча чоралар кўришни талаб қилдилар.
Тошкентдаги иккита академик лицей базасида ихтисослаштирилган атом синфлари ташкил этилади. Ўқувчилар физика, математика ва информатика фанларини чуқурлаштирилган ҳолда ўрганиб, МИФИ Миллий тадқиқот ядро университетининг Тошкент филиалига киришга тайёргарлик кўрадилар.
Ўзбекистон Фавқулодда вазиятлар вазирлигига ихтисослаштирилган қутқарув отрядини шакллантириш учун қутқарувчи-ғаввосларни тайёрлаш вазифаси юклатилди. Бу давлат раҳбарининг «Сув омборлари ҳудудлари ва уларга туташ зоналардан фойдаланишни тартибга солиш ҳамда уларда хавфсизликни таъминлаш чора-тадбирлари тўғрисида»ги қарорида белгиланган.
2026 йил январь–сентябрь ойларида Ўзбекистон тўқимачилик маҳсулотлари экспорти 2,4 млрд долларга етди. Бу ўтган йилнинг шу даврига нисбатан 28,1 фоизга кўп.
Ижтимоий тармоқларда эркак кишининг ҳимоясиз мушукка нисбатан шафқатсиз муносабатда бўлгани акс этган видео тарқалди. Нашр муаллифлари маълумотига кўра, тасвирлар 28 октябрь куни Тошкентдаги кўп қаватли уйлардан бирининг подъездида олинган бўлиши мумкин.
Дунёдаги энг йирик криптобиржа Binance йирик хакерлик ҳужумига учради. Компаниянинг дастлабки баҳолашига кўра, зарар миқдори қарийб 6,3 млрд долларни ташкил этган.
Олмазор туманида таъмирлаш ишлари сабабли 138-сонли автобуснинг ҳаракат йўналиши вақтинча ўзгартирилди. Бу ҳақда Тошкент шаҳар транспорт ва йўл-транспорт инфратузилмасини ривожлантириш бош бошқармаси хабар берди.
Ўзбекистонлик профессионал боксчи Бектемир Мелиқўзиев 6 ноябрь куни БААнинг Дубай шаҳрида рингга қайтади. У Muka Boxing томонидан ташкил этиладиган профессионал бокс оқшомида иштирок этади.
Тошкент шаҳар ҳокимлиги футбол клуби «Пахтакор»га Тошкентни ривожлантириш жамғармасидан 5 млрд сўм ажратади. Маблағ клубнинг тасдиқланган харажатлар сметасини қоплашга йўналтирилади.
2026 йил январь–сентябрь ойларида Ўзбекистонда саноат маҳсулотлари ишлаб чиқариш ҳажми 1 085,7 трлн сўмни ташкил этди. Бу ўтган йилнинг шу даврига нисбатан 8,1 фоизга кўп.
Аввалроқ Ўзбекистонда айрим эҳтиёжманд оилаларга 1 млн сўм миқдорида бир марталик моддий ёрдам ажратилиши режалаштирилгани хабар қилинган. Энди ушбу чора 2026 йил 28 октябрдаги президент фармони (ПФ-236) билан расман тасдиқланди.
Binance криптобиржаси йирик хавфсизлик ҳодисасини текширмоқда. Дастлабки тахминларга кўра, хакерлар тизимга ходимлардан бирининг ноутбуки орқали кирган бўлиши мумкин.
Ўзбекистон ва Туркия президентлари Шавкат Мирзиёев ҳамда Режеп Таййип Эрдоған Анқарадаги музокаралар якунида икки мамлакат ўртасидаги ҳамкорликни кенгайтиришга қаратилган қатор икки томонлама ҳужжатларни имзолади. Ўзбекистон президенти матбуот хизмати хабар беришича, асосий ҳужжатлардан бири бизнесни қўллаб-қувватлаш бўйича Олий даражадаги кенгашни ташкил этиш тўғрисидаги битим бўлди.
Қаршида 21 ёшли қиз гипофиз безидаги ўсмани олиб ташлаш операциясидан сўнг вафот этди. Шифокорлар томонидан интенсив даволаш чоралари кўрилганига қарамай, беморнинг ҳаётини сақлаб қолишнинг имкони бўлмаган.
Ўзбекистон ўрмонлар ва яйловларни тиклаш, қишлоқ хўжалигини барқарор ривожлантириш ҳамда иқлим ўзгаришига мослашиш учун 103,7 млн евро олади. Яшил иқлим жамғармаси кенгаши умумий қиймати 264,4 млн евролик CLiCA минтақавий дастурини маъқуллади.
Чиқиндиларни бошқариш агентлиги томонидан соҳага замонавий рақамли технологияларни жорий этиш ва санитар тозалаш хизматлари сифатини ошириш бўйича бир қатор ислоҳотлар амалга оширилмоқда. Аҳолига қўшимча қулайликлар яратиш мақсадида ишга туширилган «Тоза макон» мобил иловаси орқали фуқаролар ўз ҳисобварақлари, мавжуд қарздорлик ва тўловлар тарихини назорат қилиб боришлари мумкин.
Саудия Арабистонининг «Ал-Наср» клуби сардори Криштиану Роналду ОФК Чемпионлар лигаси Элит мусобақаси доирасида Тошкентнинг «Пахтакор» жамоасига қарши бўлиб ўтадиган сафар ўйини қайдномасига киритилмади. Жорий йилнинг 2 ноябрь куни Тошкентда ўтказиладиган 4-тур баҳсида бош мураббий Анге Постекоглу португалиялик ҳужумчидан ташқари ҳимоячи Моҳамед Симакан ва вингер Кингсли Команни ҳам таркибга киритмасликка қарор қилган.
Куз-қиш мавсумида истеъмолчиларни барқарор ва узлуксиз электр энергияси билан таъминлаш мақсадида «Ўзбекистон миллий электр тармоқлари» АЖ томонидан Тошкент шаҳридаги бир қатор подстанцияларда куч трансформаторлари янгиланди. Амалга оширилган модернизация ишлари натижасида 10 та подстанциянинг («Қорасув», «Истиқбол», «Сазиит», «Гуруч-гузар» / «Рисовая», «Янги Тузель», «Тузель», «Чароғон», «Горная», «Кутубхона» / «Библиотечная» ва «Кўргазма» / «Выставочная») умумий трансформаторлик қуввати 366,6 МВАдан 699,8 МВАга етказилди.
Португалиялик футболчи Криштиану Роналду Саудия Арабистонининг «Ал-Наср» клуби билан бирга Тошкентга ташриф буюриши мумкин. Жамоа 2 ноябрь куни Осиё Чемпионлар лигаси 2 мусобақаси доирасида «Пахтакор» билан майдонга тушади.
Туркиянинг Невшеҳир вилоятидаги очиқ осмон остидаги музей кириш қисми яқинида қоятош устуни қулаб тушди. TGRT Haber телеканали хабар беришича, ҳодиса оқибатида ҳалок бўлганлар ва жароҳатланганлар бор.
Nordwind авиакомпанияси Қозондан Фарғонага тўғридан-тўғри авиақатновларни йўлга қўяди. Парвозлар 25 ноябрдан бошланади ва Airbus A321 самолётларида ҳафтасига бир марта амалга оширилади.
Барча олий таълим муассасаларида биринчи жуфтлик бир вақтда бошланмайди. Айрим университетларда дарслар соат 08:00 да, бошқаларида эса 08:30 ёки 09:00 да бошланиши режалаштирилмоқда.