Тошкентнинг учта туманида аҳоли вақтинча газсиз қолдирилади

Чилонзор, Учтепа, Мирзо Улуғбек туманларида газ таъминоти вақтинча тўхтатилади.

Чилонзор, Учтепа, Мирзо Улуғбек туманлари газ таъминоти тизимида таъмирлаш ва созлаш ишлари олиб борилади. Шу муносабат билан, 27 март куни 10:00 дан 18:00 гача ушбу туманларнинг баъзи маҳалла ва кўчаларида газ таъминоти тўхтатилади. Бу ҳақда пойтахт ҳокимлиги Матбуот хизмати хабар берди.

Чилонзор туманининг «Зарқўрғон», «Кўтарма», «Нақошлик», «Ботирма», «Лутфий», «1-Қатортол», «Нафосат», «Диёр», «Қатортол», «Чўпон ота», «Боғзор», «Оқтепа» ва «Катта Навбаҳор» маҳаллаларида шунингдек, С-мавзеда;

Учтепа туманининг «Тепа Қўрғон», «Қўрғон тепа», «Кўҳна Чўпонота», «Боғобод», «Боғистон», «Бирлик», «Найман», «Гузар» маҳаллаларида ва11-12-13-14-15-26-мавзеларида;

Мирзо Улуғбек туманининг Неъмат берк кўчасидаги 74 та ерли хонадонларда вақтинча газ таъминоти тўхтатилади.