Ислом Махачев иккинчи чемпионлик титули ҳақида ўйлаётганини маълум қилди

Енгил вазн тоифасида UFC чемпиони Ислом Махачев иккинчи титул ҳақида ўйлаётганини айтиб ўтди.

“Тўғрисини айтсам, иккинчи чемпионлик титули ҳақида ўйлаяпман. Ярим ўрта вазн тоифасида чемпион бўлмоқчиман. У дивизионда рақибим ким бўлишини билмайман, лекин у ерда Леон Эдвардс етакчи бўлиб турибди.

BMF камари? У менга керак эмас. Умуман у нима учун мавжудлигини ҳам тушунмайман”, — дейди Махачев.

Эслатиб ўтамиз, UFC 302 турнирида Ислом Махачев Дастин Порьега қарши октагонга кўтарилади. Ушбу жанг 2 июнь куни бўлиб ўтади.

Махачев — UFC чемпиони ва П4П рейтинги етакчиси ҳисобланади. У 2023 йилда икки марта Алекс Волькановскини мағлуб этганди.

Манба: www.daryo.uz