Велоспорт. Париж-2024'га йўлланмани қўлга киритган спортчимиз маҳаллий турнирда ғалаба қозонди

Тошкент вилоятининг Бўстонлиқ туманида велошоссе бўйича “Tour of Bostonliq Ladies" баҳслари якунига етди.

3 босқичдан иборат бўлган қизиқарли пойга якунида ҳамюртимиз Янина Кускова ғалаба қозонишга муваффақ бўлди.

Париж — 2024 лицензианти Кускова илк босқичда биринчи, иккинчи босқичда учинчи ва якуний стартда тўртинчи натижани қайд этган эди.

Унинг жами 232 кмдан иборат 3 босқич якунида кўрсатган умумий вақти 7 соат, 27 сонияни ташкил этди. Иккинчи ва учинчи ўринлардан қозоғистонлик Фаина Потапова ҳамда Акпеил Оссим жой олишди.

Манба: olympic.uz