[ madaniyat ] 1 Iyul 2024
Ўмон Ўзбекистон фуқаролари учун визасиз режимни жорий қилди
Ўмон Ўзбекистон фуқароларига мамлакатга 14 кун давомида визасиз бўлиб туриш тартибини жорий қилди. Бу ҳақда Ўмоннинг Ўзбекистондаги элчихонаси маълум қилди.
Хабарда билдирилишича, Ўмонда 14 кундан кўпроқ вақт мобайнида бўлишни истаган ўзбекистонликлар мамлакатга кириш пайтида аэропортнинг ўзида кириш визасини расмийлаштиришлари мумкин бўлади.
Маълумот учун айтиш мумкинки, Ўзбекистон 2021 йил 1 мартдан бошлаб Ўмон фуқаролари учун Ўзбекистон ҳудудига 10 кунлик муддатга визасиз режим жорий қилинган эди.
Қайд этиш керакки, Ўзбекистон ташқи ишлар вазири Бахтиёр Саидов 26-27 июнь кунлари ушбу араб мамлакатига ташриф билан борганди.
Аввалроқ Таиланд Ўзбекистон учун визасиз режим жорий қилган эди.