Бухорода аёл ўз қизларини аёвсиз калтаклади

У хориждаги эрига жаҳл қилиб, фарзандларини калтаклаган ва уни тасвирга олиб, эрига жўнатган.

Аввалроқ, ижтимоий тармоқларда Бухорода аёл икки нафар қизини калтаклаётгани акс этган видео тарқалиб, кенг муҳокамаларга сабаб бўлган эди. Ҳолат юзасидан Болалар омбудсмани Матбуот хизмати расмий муносабат билдирди.

Аниқланишича, ҳолат жорий йилнинг 9 июль куни Бухоро вилояти Жондор туманида яшовчи аёл И.М. томонидан содир этилган. Унинг турмуш ўртоғи Н.Б. бир неча йилдан буён хорижда ишлаб келаётган бўлиб, эри оиласидан хабар олмаётгани, етарлича пул жўнатмаётганидан жаҳли чиқиб, аёл қизлари Ў.С. (2020 йилда туғилган) ва Ў.С. (2021 йилда туғилган) ларни уриб, калтаклаган. Сўнгра ушбу ҳолатни видеотасвирга олган ва эрига жўнатган.

Ҳозирда ҳолат юзасидан Жондор тумани ИИБ томонидан терговга қадар текширув олиб борилмоқда.