Спортчиларимиз халқаро мусобақада муваффақиятли иштирок этишмоқда

Туркиянинг Истанбул шаҳрида спорт курашлари бўйича старт олган халқаро мусобақанинг биринчи куни полвонларимиз учун омадли ўтди. Унда гиламга чиққан ҳамюртларимиз 3 та олтин ва 1 та бронза медалига сазовор бўлишди.

Дастлаб Исломжон Баҳромов ( — 63 кг) финалда ўтган йилги жаҳон чемпиони молдовалик Виктор Чиобануга ҳеч қандай имконият қолдирмади (9:0). Шундан сўнг — 67 кгда Маҳмуд Бахшуллоев ва — 97 кгда Рустам Ассакалов ҳам финал баҳсларини муваффақиятли ўтказиб олишди. Шунингдек, энг оғир вазн тоифасида Мўминжон Абдуллаев ( — 130 кг) бронза медали учун кечган баҳсда ғалаба қозониб, совриндорлар қаторидан жой олди.

Финаллар:
— 63 кг: Исломжон Баҳромов – Виктор Чиобану (Молдова) 9:0
— 67 кг: Маҳмуд Бахшуллоев – Мортен Торезен (Норвегия) 5:2
— 97 кг: Рустам Ассакалов – Арви Саволайнен (Финляндия) 5:1

Бронза медали учун:
— 130 кг: Мўминжон Абдуллаев – Алимхан Сиздиков (Қозоғистон) 4:1

Табиийки, бундай муваффақиятли иштирокдан сўнг Равшан Рўзиқулов бошчилигидаги йигитларимиз умумжамоа ҳисобида пешқадамлик қилишмоқда.

Манба: Olympic.uz