Қрим, кўприк, бу бошланиши. Ноқонуний бўлган ҳамма нарсани йўқ қилиш керак — Подоляк

Украина президенти маслаҳатчиси ноқонуний бўлган барча нарсаларни йўқ қилиш кераклигини айтди.

Украина президенти девони раҳбари маслаҳатчиси Михаил Подоляк Қрим кўпригидаги портлашдан сўнг Украина ҳудудида ноқонуний бўлган барча нарсаларни йўқ қилиш кераклигини таъкидлади. Бу ҳақда у Twitter'даги ўзининг расмий саҳифасига ёзган, дея хабар берди ukrinform.ru.

«Қрим, кўприк, бу бошланиши. Ноқонуний ҳамма нарса йўқ қилиниши керак, ўғирланган ҳамма нарса Украинага қайтарилиши керак, россиялик босқинчиларнинг ҳаммаси чиқариб юборилиши керак», — дея таъкидлади Михаил Подоляк.

Эслатиб ўтамиз, бугун 8 сентябрь куни Қримдаги кўприкда портлаш содир бўлди.