Хабиб амакиваччасини жангга пухта тайёрламоқда

UFC шон-шуҳрат зали аъзоси, енгил вазн тоифасида собиқ UFC чемпиони (70 кг гача) россиялик Хабиб Нурмагомедов ижтимоий тармоқдаги саҳифасида янги пост жойлаштирди ва унда айни пайтда ҳамюрти Александр Шаблий билан жангга тайёргарлик кўраётган амакиваччаси Усмон Нурмагомедов ҳақида гапирди.

“У йўлда. Биз аввал ҳеч қачон содир бўлмаган шароитларда изчиллик билан тайёргарлик кўряпмиз”, — деб ёзган Хабиб.

Нурмагомедов ва Шаблий ўртасидаги жанг 7 сентябрь куни Сан-Диегода (АҚШ) бўлиб ўтадиган Беллатор турнирининг асосий жанги бўлади.

Дастлаб, Александр ва Усмон май ойи ўрталарида Парижда (Франция) жанг ўтказиши керак эди, бироқ Нурмагомедовнинг жароҳати туфайли жанг қолдирилди.