"Сен эшак, аҳмоқ, ҳайвон" — Қўшработ тумани ҳокими ўринбосарини ҳақоратлади (аудио)

Қурилиш бўйича ўринбосари, шунингдек ходимларини йиғиб, уятли сўзлар билан сўккан ҳокимга «ҳайфсан» берилди.

Аввалроқ, ижтимоий тармоқларда Самарқанд вилоятининг Қўшработ тумани ҳокими Дилшод Шакарбоев қурилиш бўйича ўринбосари, шунингдек ходимларини куракда туриб бўлмайдиган сўзлар билан ҳақоратлаб, сўкаётгани ҳақида аудиохабар тарқалди.

Самарқанд вилояти ҳокимлиги Матбуот хизмати хабарига кўра, мазкур ҳолатга вилоят ҳокимлигининг тегишли масъуллари томонидан аниқлик киритилган.

Самарқанд вилояти ҳокимининг тегишли фармойиши билан Шакарбоев Дилшод Давроновичга нисбатан «ҳайфсан» интизомий жазо чораси қўлланилган.