Тошкент вилоятида ичимлик сувига ноқонуний уланган фирма раҳбари 5 ймлга қамалди

У икки томонлама шартнома тузмасдан 294,5 млн сўмлик сувни ишлатиб юборган.

“Тошкент вилояти сув таъминоти” АЖнинг хабар қилишича, сувтаъминот корхонаси билан икки томонлама шартнома тузмасдан ичимлик суви тармоғига уланиб фойдаланганлиги учун Янгиюл туманида фаолият юритувчи «HTB-AS INVEST» МЧЖ корхонасига 294 млн 511 минг 319 сўм ҳисоб-китоб килинган.

Ушбу хатти-ҳаракат учун “HTB-AS INVEST” МЧЖ раҳбари А.Х. Жиноят кодексининг 169-моддаси 3-қисми “в” бандида назарда тутилган жиноятни содир этганликда айбдор деб топилиб, 5 йил 1 ой муддатта озодликдан маҳрум қилинди.

Шунингдек, унга ЖК нинг 57-моддаси қўлланилиб, базавий ҳисоблаш микдорининг 150 баробар миқдорида, яъни 45 млн жарима жазоси тайинланди.