26 ёшли эркак 2007 йилда туғилган қизни меҳмонхонага олиб борган ва у ерда унга тан жароҳат етказган.
Суд тиббий экспертизасининг хулосасига кўра Ш.И.га давомийлиги олти кундан ортиқ бўлмаган, тез ўтиб кетувчи, мезонига кўра “енгил” тан жароҳати етказилганлиги аниқланган.
Судда ҳуқуқбузар А.Ғ. юқоридаги ҳолатларни тасдиқлашини, мехмонхонага таниши Ш.И.ни олиб борганлигини, унинг вояга етмаганлигини билмаганлигини, қизни анчадан бери танишини, қиз мехмонхонага ўз хохиши билан борганлигини, ёмон нияти бўлмаганлигини, қилган ишидан пушаймонлигини, оилавий ва моддий шароитини инобатга олиб енгиллик беришни сўраган.
Суд қарори билан А.Ғ.га МЖтКнинг 41-1-моддаси 1-қисми ва 52-моддаси 2-қисмига асосан 5 сутка маъмурий қамоқ ва БҲМнинг 2 баравари миқдорида жарима жазоси тайинланган.
© Yangiliklar24 . All Rights Reserved.