Тошкент вилоятига янги прокурор тайинланди

Азамат Эгамбердиевич Мирзаев Тошкент вилояти прокурори этиб тайинланди, деб хабар қилди Бош прокуратура матбуот хизмати.

Азамат Мирзаев ушбу лавозимга тайинлангунга қадар 2023 йил ноябрь ойидан Навоий вилояти прокурори, унгача Қашқадарё вилояти прокурори ўринбосари лавозимларида ишлаб келган.

Бу лавозимда у 2023 йил августидан буён Тошкент вилояти прокуратурасини бошқарган Сирожиддин Эшқувватов ўрнини эгаллади.