Ўзбекистон туманига янги ҳоким тайинланди

Равшанбек Бердалиевич Бегматов Ўзбекистон тумани ҳокими этиб тайинланди, дея хабар бермоқда Фарғона вилояти ҳокимлиги матбуот хизмати.

Равшанбек Бегматов 1984 йил 2 мартда Фарғона вилояти Данғара туманида туғилган. 2005 йилда Тошкент ирригация ва мелиорация институтини тамомлаган.

У бунга қадар Сув хўжалиги вазирлиги ирригация тизимларидан ва йирик гидротехника иншоотларидан фойдаланиш бошқармаси бошлиғи бўлиб ишлаб келган.

Мазкур лавозимда Бегматов 2021 йилдан буён ишлаб келган Шерзод Юлдашев ўрнини эгаллади.