Санжар Джабаров Андижон вилояти ИИБ бошлиғи бўлди

Ички ишлар вазирининг буйруғи билан полковник Санжар Буранович Джабаров Андижон вилояти Ички ишлар бошқармаси бошлиғи лавозимига тайинланди, дея хабар бермоқда вазирлик матбуот хизмати.

Санжар Джабаров 2022 йилнинг октябридан буён Сирдарё вилояти ИИБ бошлиғи бўлиб ишлаб келаётганди. Унгача Наманган вилояти ИИБ бошлиғининг биринчи ўринбосари лавозимида фаолият юритган.

Эслатиб ўтамиз, Андижон ИИБнинг аввалги раҳбари Аюбхон Раҳматуллаев ички ишлар вазирининг биринчи ўринбосари этиб тайинланганди.