Шавкат Мирзиёев жамоатчилик вакиллари билан бирга янги боғга кўчат экди. Фото
«Ийкота, Мажнунтол, Зилола, Роҳат ва Иқбол маҳаллалари орасидаги бу ҳудуд аввал қаровсиз жой эди. Элнинг бирлиги билан яна бир яшил макон, аҳоли ҳордиқ чиқарадиган парк пайдо бўлмоқда. Уч гектарлик ҳудудга ўрмон концепцияси асосида уч минг туп дарахт ва бута кўчатлари экилди. Уларнинг суғорилиши ва парваришига масъуллар бириктирилди», — дейилади хабарда.
Маҳалла фаоллари, нуронийлар ва ёшлар билан самимий мулоқот бўлди. Давлат раҳбари жамоатчилик вакилларига ушбу ташаббусга ҳисса қўшаётгани учун миннатдорлик билдирди. Барчани кириб келаётган Наврўз байрами билан табриклади.
«Атроф-муҳитни асраш ва «яшил иқтисодиёт» йили давлат дастурига мувофиқ, бу йил кўчатчиликка ихтисослашган 18 та ўрмон хўжалиги ташкил қилинади. Уларда «илм-лойиҳа-амалиёт» тамойили асосида генетик селекция ишлари кучайтирилиб, плантациялар кенгайтирилади. «Яшил олам» платформаси ишга туширилиб, кўчатларни онлайн сотиб олиш йўлга қўйилади.
Фото
