Самарқандда йўлнинг ўртасида чўмилган эркак 10 суткага қамалди

У тармоқдаги саҳифасига ёмғир сабаб йўллардаги «яма»ларда одамлар ҳам чўмилиши мумкинлиги айтиб, видео жойлаган.

Аввалроқ, ижтимоий тармоқларда йўлнинг ўртасида бир эркакнинг чўмилгани акс этган видео тарқалиб, кенг муҳокамаларга сабаб бўлган эди.

Ҳолат юзасидан Самарқанд ЙҲХБ Матбуот хизмати расмий муносабат билдирди.

Маълум қилинишича, мазкур ҳолат Самарқанд вилояти Ургут туманида содир бўлган.

Эркак ижтимоий тармоқлардаги саҳифасида Самарқанддаги йўллар ҳақида видео жойлаган. Яъни ёмғирда йўллардаги «яма»ларда машиналардан ташқари, одамлар ҳам чўмилиши мумкинлигини таъкидлаган.

Эркакка нисбатан 10 сутка маъмурий қамоқ жазоси тайинланган.