Ўзбекистонда "тонировка" учун жарима миқдори кескин пасайтирилиши кутилмоқда

Ички ишлар вазирлиги «МЖтКга ўзгартириш ва қўшимчалар киритиш тўғрисида» қонун лойиҳасини муҳокамага қўйди.

Қонун лойиҳасига кўра, МЖтК келгусида “126-1(прим1)-модда билан тўлдирилиши ва ҳайдовчилар ойналар тусини ўзгартириш (қорайтириш) учун тегишли рухсатномада кўрсатилган талабларни бузиб, транспорт воситаларидан фойдаланганлиги учун БҲМнинг 1 баравари миқдорида (375 минг сўм) жаримага тортилишлари мумкин.

Маълумот учун, шу кунгача ушбу ҳуқуқбузарлик учун БҲМнинг 25 баравари миқдорида (9 млн 375 минг сўм) жарима солинар эди.

Шунингдек, 12 баллик тизим бўйича қонун қабул қилинса, ойналар тусини ўзгартириш (қорайтириш) учун 0.5 балл жарима солинади.