Самарқанддаги боғчалардан бирида болаларга қўпол муносабатда бўлган тарбияси ишдан бўшатилди

Ижтимоий тармоқда тарқалган видео юзасидан расмий муносабат билдирилди.

Аввалроқ, ижтимоий тармоқларда Пайариқ туманидаги мактабгача таълим ташкилоти тарбиячиси тарбияланувчиларга нисбатан қўпол муносабатда бўлаётганлиги акс этган видео тарқалди.

Ҳолат юзасидан Самарқанд вилояти Мактабгача ва мактаб таълими бошқармаси ахборот хизмати маълумот берди.

Қайд этилишича, Пайариқ тумани Мактабгача ва мактаб таълими бўлими ишчи гуруҳи ўрганишлар олиб борган. Ўрганиш натижаларига кўра, ҳолат тумандаги 44-ДМТТ да содир бўлганлиги аниқланди.

Ҳолат юзасидан мактабгача таълим ташкилот тарбиячиси билан тузилган меҳнат шартномаси ходимнинг ташаббусига кўра бекор қилинган.